Natalla Radzina atrymała premiju «Za svabodu presy» 3

Redaktaru sajta Chartyja'97 Natalli Radzinaj uručanaja ŭ Ńju-Jorku aŭtarytetnaja mižnarodnaja ŭznaharoda «Za svabodu presy».

Premija prysudžana Kamitetam pa abaronie žurnalistaŭ. Cyrymonija ŭručeńnia ŭznaharody adbyłasia 22 listapada ŭ Grand Ballroom hatela Waldorf Astoria ŭ Ńju-Jorku.

Razam z Natallaj Radzinaj prestyžnuju premiju atrymali žurnalisty z Bachrejna, Mieksiki i Pakistana.

Premija «Za svabodu presy» źjaŭlajecca štohadovym pryznańniem mužnaści, prajaŭlenaj žurnalistami.

Usie łaŭreaty, siarod jakich Natalla Radzina (charter97.org, Biełaruś), Mansur al-Džamry (Al-Wasat, Bachrejn), Chaŭjer Artura Vałdes Kardenas (Ríodoce, Mieksika) i Umar Čyima (The News, Pakistan), za svaju pracu sutyknulisia z abvinavačvańniami i pahrozami ŭ roznych formach, uklučna ź pieraśledam, abrazami, pahrozaj fizičnaha hvałtu, vykradańniem, katavańniami i cenzuraj. Na cyrymonii ŭ hetym hodzie była taksama ŭručanaja premija viadomamu azierbajdžanskamu žurnalistu Ejnułu Fatułajevu, jaki nie zmoh atrymać uznaharodu ŭ 2009 hodzie, pakolki znachodziŭsia ŭ turmie pa sfabrykavanym abvinavačvańni.

22 listapada

ŭ balnaj zale Waldorf Astoria ŭ Ńju-Jorku sabralisia kala 1000 čałaviek: viadomyja žurnalisty, pravaabaroncy, hramadskija dziejačy, pradstaŭniki miedyja-industryi, navukoŭcy i finansisty. Siarod ich — pradstaŭnik ABSIE pa svabodzie słova Dunia Mijatavič, lehienda amierykanskaj žurnalistyki Den Razier

, jaki atrymaŭ ŭznaharodu za ŭkład u žurnalistyku Burton Benjamin Memorial Award, žurnalist Reuters Devid Rade, jaki bolš za 7 miesiacaŭ znachodziŭsia ŭ pałonie ŭ talibaŭ u Afhanistanie, vajenny karespandent Tery Andersan, jaki bolš za 6 hadoŭ znachodziŭsia ŭ zakładnikach u «Chiezbały», łaŭreaty Pulitceraŭskaj premii Poł Stajhier, Džoš Frydman, Dyn Bakiej i inšyja.

Mierapryjemstva viali televiadučaja ABS News Kryścijan Amanpur i viadučy kanała NBS News Brajan Uiljams.

Natalla Radzina atrymała premiju z ruk viadomaj amierykanskaj žurnalistki En Harełs, jakaja šmat hadoŭ pracavała ŭ Iraku, Aŭhanistanie i byłoj Juhasłavii.

U svaim vystupie

spadarynia Radzina akcentavała ŭvahu na palitviaźniach, što pakutujuć u biełaruskich turmach

, nahadała pra žurnalistaŭ i palitykaŭ, što źnikli ci byli zabityja pry zahadkavych abstavinach i zaklikała ludziej Zachadu «nie zabyvacca pra Biełaruś».

Vystup Radzinaj prysutnyja ŭ zale vitali stojačy.

SM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH