Biełstat: realny zarobak u kastryčniku źniziŭsia na 5,2%

U Biełarusi naminalnaja naličanaja siaredniamiesiačnaja zarabotnaja płata rabotnikaŭ u kastryčniku 2011 hoda skłała 2 318 000 rubloŭ, jana naminalna pavialičyłasia ŭ paraŭnańni ź vieraśniem na 2,6% (na 57, 9 tys.), paviedamlajecca ŭ pres-relizie Biełstata.

Z ulikam kastryčnickaj inflacyi na ŭzroŭni 8,2% realny zarobak (raźličany z ulikam rostu spažyvieckich cenaŭ na tavary i pasłuhi) u kastryčniku ŭ paraŭnańni ź vieraśniem źniziŭsia na 5,2%.

Jak paviedamlałasia, u vieraśni 2011 hoda siaredniaja zarpłata naminalna vyrasła ŭ paraŭnańni sa žniŭniem na 13,4%, da 2 261 000 rubloŭ, pry roście spažyvieckich cen za hety pieryjad na 13,6%. Realnaja zarpłata ŭ vieraśni źniziłasia ŭ paraŭnańni sa žniŭniem na 0,2%. U žniŭni ŭ paraŭnańni ź lipieniem realnaja zarpłata źmienšyłasia na 1,4%.

Z ulikam vysokich tempaŭ rostu realnaj zarpłaty ŭ pieršym paŭhodździ 2011 hoda (15,8%), u studzieni-kastryčniku 2011 hoda ŭ paraŭnańni sa studzieniem-kastryčnikam 2010 hoda pryrost realnaj zarpłaty zapavoliŭsia da 5,9% (u studzieni-vieraśni 8,2%).

0

0

0

0

0

0

interfax.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH