Vialikaja prahrama finansavańnia adukacyi biełarusaŭ zapuskajecca pry padtrymcy Jeŭrasajuza i skandynaŭskich krain. U jaje ramkach kožny hramadzianin Biełarusi zmoža atrymać stypiendyju na navučańnie ŭ bakałaŭryjacie albo mahistratury faktyčna luboha ŭniviersiteta ES. Inicyjatary prahramy spadziajucca, što pa skančeńni adukacyi stypiendyjaty buduć viartacca ŭ Biełaruś i heta zblizić našu krainu ź Jeŭropaj.
Prahramu finansuje Jeŭrasajuz, a ažyćciaŭlaje «Paŭnočnaja rada» — Rada ministraŭ zamiežnych spravaŭ skandynaŭskich krain. Stypiendyja «Adkrytaj Jeŭropy» pakryje ŭvieś košt navučańnia ŭ vybranym univiersitecie. Akramia taho, studentu budzie vydavacca hrant na padarožnyja vydatki ŭ pamiery 800 jeŭra na hod, a taksama 1 000 jeŭra štomiesiac na pražyvańnie.
Hetaha całkam dastatkova, kab kamfortna žyć u časie navučańnia. Chopić i na pakojčyk, i na prakorm. Dla paraŭnańnia: siaredni zarobak u Biełarusi na siońnia składaje kala 230 jeŭra, abo ŭ 4 razy mienš. Tamu raniej mahčymaść vučycca va ŭniviersitetach Jeŭropy (akramia EHU i Prahramy Kalinoŭskaha), mieła najbolš moładź z bahatych siemjaŭ i dzieci karumpavanaj častki čynoŭnikaŭ.
Prava na stypiendyju buduć mieć tolki hramadzianie Biełarusi.
Zajaŭki buduć razhladacca ad abituryjentaŭ usich śpiecyjalnaściaŭ, ale pryjarytet budzie nadadzieny pravu, ekanomicy i sacyjalnym navukam,biznes-adukacyi , bijałohii, miedycynie, inžynieryi.
Padača zajaŭki na pastupleńnie va ŭniviersitet i na stypiendyju — dva asobnyja pracesy. Univiersitety prymajuć studentaŭ u zaležnaści ad ich akademičnych zdolnaściaŭ i viedańnia movy, u toj čas jak stypiendyi buduć vyłučacca na asnovie matyvacyi. Karaciej,
małady čałaviek musić sam dabicca pryjomu va ŭniviersitet, a tady ŭžo skandynaŭski fond jamu apłacić navučańnie i pražyćcio. Heta robicca, kab adsiačy biazdarnych šukalnikaŭ hrantaŭ.
Padavać zajaŭku na atrymańnie stypiendyi možna jašče da zaličeńnia va ŭniviersitet, ale kančatkovaje rašeńnie prymajecca paśla pastupleńnia.
Kab atrymać stypiendyju, treba:
1. Abrać ad adnaho da troch univiersitetaŭ i prahramu zhodna z vašymi zacikaŭleńniami. Kali vy abirajecie dva ŭniviersitety, to jany pavinny być u roznych krainach (kali try, to dva mohuć być u adnoj krainie).
2. Zapoŭnić anłajn formu na atrymańnie stypiendyi na sajcie prahramy i dasłać da 16 śniežnia 2011. Formy zajaŭki, jakija pastupiać paźniej za datu dedłajnu, buduć pieraniesienyja na nastupny pieryjad raźmierkavańnia stypiendyj.
3. Kandydaty, jakija projduć papiaredni adbor, buduć zaprošanyja na intervju ŭ Vilniu. Jano maje adbycca z 2 da 13 lutaha 2012.
Infarmacyja pra ŭmovy udziełu, krytery adboru, pracedury zapaŭnieńnia i padačy zajaŭki mieścicca na sajcie prahramy OESS.
Šturšok hetaj stypiendyjalnaj prahramie dała Płošča 2010 hoda. Hetaksama jak Płošča 2006 hoda dała žyćcio Prahramie Kalinoŭskaha.
Jeŭropa šukała, jakim čynam dapamahčy Svabodnaj Biełarusi, i prydumała voś taki instrumient dla moładzi. Achviarnaść udzielnikaŭ Płoščy, jakija danieśli da śvietu svoj «kryk, što žyvie Biełaruś», dała biełaruskim junakam — niezaležna ad ich palityčnych pohladaŭ — šaniec na jeŭrapiejskuju adukacyju.Užo siońnia kolkaść biełarusaŭ, jakija navučajucca ŭ jeŭrapiejskich univiersitetach, dasiahnuła histaryčnaha maksimumu. A zapusk novaj prahramy dazvolić hetuju ličbu jašče pavialičyć. Pryčym biełarusy buduć traplać nie tolki ŭ VNU Polščy i Litvy, a i ŭ samyja jakasnyja ŭniviersitety Zachodniaj Jeŭropy.
Pytańnie tolki, ci žyćcio budzie spryjać, kab sučasnyja Skaryny viartalisia na radzimu.Majučy jeŭrapiejski dypłom i viedańnie movy, zvykłyja da
