Zaŭtra ŭviečary ŭ Nacyjanalnym mastackim muziei (MInsk, Lenina, 30) buduć hučać vieršy Maksima Bahdanoviča.
«Źnič» — adziny ŭ Biełarusi teatr, jaki pracuje ŭ składanaj teatralnaj formie monaśpiektakla, jaki patrabuje ad vykanaŭcy virtuoznaha vałodańnia akciorskim majsterstvam. Teatr stvorany pry Biełdziaržfiłarmonii ŭ 1989 hodzie. Jaho asnoŭnaja repiertuarnaja linija — papularyzacyja tvoraŭ biełaruskich aŭtaraŭ i ŭzoraŭ suśvietnaj kłasiki. Teatr daje ŭjaŭleńnie ab mahčymaściach i značnaści biełaruskaha słova, ab asablivaściach movy paetyčnaj i movy teatralnaj.
— Maksim Bahdanovič byŭ małady, maładym i zastaŭsia. Hetaje imia zaŭsiody chvaluje, — kaža režysior Halina Dziahileva. — Usia jaho paezija prasiaknuta vialikaj luboŭju da žyćcia… Jon byŭ narodžany ŭ sercy Biełarusi — nad Śvisłačču, ale los rasparadziłasia tak, što vialikuju častku žyćcia pravioŭ udalečyni ad radzimy. Tak zdaryłasia, što i pachavany jon byŭ daloka ad tych miescaŭ, dzie byli jaho dumki i serca.
