10 śniežnia ŭ Minsku adkryjecca pieršy delfinaryj 5

10 śniežnia na terytoryi staličnaha zaaparka adkryjecca pieršy delfinaryj «Niema».

Jak paviedamiŭ namieśnik dyrektara delfinaryja Anton Rubcoŭ, pieršaje pradstaŭleńnie adbudziecca, a 12-j. Śpiecyjalisty raskažuć pra nasielnikaŭ delfinaryja — marskich kocikaŭ i delfinaŭ, ich fizijałohiju, asablivaści pavodzin, charaktar. Zatym marskija sysuny pakažuć šou, padčas jakoha jany buduć malavać biełaruski ściah, tancavać, hulać ź miačykam.

U delfinaryi «Niema» čatyry cichaakijanskija delfiny, dva paŭnočnyja marskija kociki i marskoje lviania.

Pamiaškańnie delfinaryja moža źmiaścić 700 naviednikaŭ. Akramia pradstaŭleńniaŭ, jakija płanujecca pravodzić try razy na dzień (akramia paniadziełka), za asobnuju płatu achvotnyja zmohuć sfatahrafavacca abo papłavać z delfinami.

Pradstaŭnik «Niema» čakaje, što zapatrabavanaj taksama budzie pasłuha delfinaterapii,

jakaja rekamiendavanaja dzieciam z roznymi parušeńniami raźvićcia i pavodzin (DCP, rańni dziciačy aŭtyzm, sindrom deficytu ŭvahi i hipieraktyŭnaści, sindrom Daŭna i inš.) Delfinaterapija budzie pravodzicca pry ŭdziele dvuch dziciačych psichołahaŭ.

Budaŭnictva ŭkrainskaj kampanijaj «Nierum» pieršaha ŭ Minsku delfinaryja vyklikała zaniepakojenaść hramadskaści adnosna ŭmovaŭ utrymańnia žyvioł.

Dacent kafiedry humanitarnaha fakulteta BDU, kandydat miedycynskich navuk Alaksandr Sykała zajaviŭ, što dla harantyi dobrych umovaŭ utrymańnia žyvioł u delfinaryi ŭ minskim zaaparku, a taksama na inšych padobnych abjektach u stalicy nieabchodny kantrol nie tolki haradskich uładaŭ, ale i prafiesijanałaŭ i ekołahaŭ.

Dyrektar zaaparka Juryj Rabaŭ zapeŭniŭ, što delfinaryj adpaviadaje jeŭrapiejskim normam i daść mahčymaść zabiaśpiečyć kamfortnyja ŭmovy žyćcia marskim sysunam.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH