A.Łukašenka: Kali b vy mieli niejkuju stratehiju zamiežnaj palityki. Vam usie zadajuć pytańnie: daražeńkija, skažecie, čaho vy chočacie. Jakuju palityku vy ŭvohule pravodzicie, i budziecie pravodzić na mižnarodnaj arenie. Jakija kaštoŭnaści vy, urešcie, siońnia spaviadajecie. My asacyjavali vas z kaštoŭnaściami Savieckaha Sajuzu. I siońnia. A jakaja jana, Rasieja. A kudy idzie. A čaho jana choča. A z kim jana, a chto joj patrebny. A z dakoram paśla Juhasłavii. Pačynajučy ad taho Słabadana, z katorym ja sustrakaŭsia ŭ vojnu, katory sa ślaźmi siadzieŭ i płakaŭ, kazaŭ: čamu Rasieja nas kinuła. Što nam zastavałasia rabić. Nas paprakajuć za denverskija pahadnieńni z amerykancami. A što nam zastavałasia rabić. Ja ž byŭ tam udzielnikam. Ja ź Jelcynym kolki razoŭ na hetuju temu razmaŭlaŭ. Rasieja vielmi słabaja, kab procistajać nataŭskaj ahresii ŭ Juhasłavii. Dy jany adnaho bataljonu, katory ździejśniŭ rejd, spałochalisia i tak zatrymcieli, što dalej niama kudy. A kali b dva-try karabli ŭvajšli tudy, a kali b Rasieja choć jak varuchnułasia b. niapraŭda, što jana była słabaja.
Prosta Juhasłaviju zdali, bazy na Kubie zdali. Kamrań zdali. Usio heta nia treba, nia treba, nia treba. A śviet bačyć heta. Voś ja skažu ŭžo ščyra, kitajcy nie razumiejuć. Jany zadajuć pytańnie: a čaho jany chočuć. Taho, što i ja siońnia dumaju: a što treba Rasiei. Voś što treba Rasiei? Usio pieraviedziena na buchhalteryju. Vy chočacie padličyć, kolki kaštuje Biełaruś dla Rasiei. U buchhalteryi važny balans. Davajcie my padličym, kolki my dla vas dobraha robim. Nazyvaju vam ličbu, ad Maskvy da zachodnich uskrain našaj koliś vialikaj krainy ŭ Rasiei zastalisia dźvie niapoŭnyja dyvizii. Pytańnie biaśpieki dla Rasiei, asabliva paśla raźmiaščeńnia amerykanskaj procirakietnaj systemy ŭ Polščy, Čechasłavaččynie, ciapier va Ŭkrainie, jany raźmieściać jaje, heta RŁS i ŭdarnyja systemy rakietnyja. Siońnia hety napramak nabyvaje nadzvyčajnaje značeńnie. Nia tak? Tak. Dla taho, kab vam zbudavać taki kardon u vyhladzie, jak jaho ciapier ujaŭlaje biełaruskaje vojska, abaraniajučy Rasieju, nam takaja armija nie patrebnaja. Tamu što my nikoha hetaj armijaj nie zavajujem, hruba kažučy, i ni ad koha nie abaronimsia hetaj armijaj. My tolki ŭ Rasiei, z Rasiejaj zmožam tut procistajać. U hetym była sutnaść maich prapanovaŭ stvareńnia sajuznaj hrupoŭki vojskaŭ. Supolnyja vučeńni damovilisia letaś pravieści, rasiejcy rychtavalisia razam ź biełarusami tut, vy nie ŭjaŭlajecie, u ich vočy hareli. Vašaje kiraŭnictva admoviłasia jechać, kab ich nie papraknuli, što, bačycie, niezrazumieła, čaho tut Rasieja choča. Nu, dyk atrymajcie. Kali vy nie razumiejecie procirakietnaj systemy. Ci ciapier vam zrazumieła? Jak biełaruski prezydent ja vymušany byŭ pajechać. Heta była niekarektna z majho boku, kali my musili z Pucinym i inšymi prezydentami być tut, u ADKB, jon admoviŭsia. Ja musiŭ byŭ pajechać. My praviali cudoŭnyja vučeńni, i my pakazali, što siońnia na paradak vojska Biełarusi padrychtavana bolej, čym rasiejskaja. Kab vam stvaryć takoje, vam treba 21 młrd dalaraŭ, dyk heta tolki adzin frahment. A tranzyt, sotni miljonaŭ ton hruzu praz nas. Absalutna ŭ lepšych kamfortnych umovach, čym u samaj Rasiei. Vy ŭjaŭlajecie. Z Zachadu na Ŭschod, z Uschodu na Zachad. Čyhunka, pavietrany, naziemny transpart. U najlepšych umovach. Vy tut nia majecie nijakich bolej bandytaŭ, nichto vam nie zaminaje. A miaža. My zachavali ŭzrovień toj miažy, na jakoj ja słužyŭ u saviecki čas, jana siońnia lepiej. Heta ž naša siońnia supolnaja miaža. I mytnaja, i pamiežnyja vojski. Kolki heta kaštuje štohod. Kolki kaštuje Kalininhrad, jon na nas visić. Što prosta ruski čałaviek Prachanaŭ Alaksandar Andrejevič, jaki pryjaždžaje ŭ Miensk, jon tut adpačyvaje, razumiejecie. Paśla Maskvy. Heta što, tanna kaštuje dla ruskaha čałavieka.A.Prachanaŭ: Acanić praktyčna niemahčyma. Ci ŭstupaje ŭ chadu niejkaja žudasnaja... kanśpiralohija.
A.Łukašenka: U vas niama siońnia palityki efektyŭnaj, kali heta nie zaviazana na asabisty intares. Niama ŭ vas dziaržaŭnych pradpryjemstvaŭ. Heta łuchta, što ŭ vas tam akcyi 33% dziaržavy i inš. Usio tam parezana, raśpiłavana na častki i kožny maje svoj asabisty intares. I jany bjucca za heta, učapiŭšysia śsiniełymi palcami, hetyja hrošy voziać na Zachad, tam chavajuć. Tamu što rana ci pozna Rasieja ŭsio roŭna paŭstanie z kaleniaŭ, i ruski narod prymusić pravodzić tuju palityku, jakuju treba. Darujcie mnie maju rezkaść. Vy vielmi błahi prykład na złomie pakazali Ŭkrainie. Viedajecie, jany vyhnali amerykancaŭ i inšaje, pajšła chvala dobraja. A što datyčyć Biełarusi, ja tolki što raspavioŭ. A ahieńčyk hety cieplicca. Budzie niaprosta vyrulić. Vielmi niaprosta. I my navat nie prahnazujem niejkich źmianieńniaŭ u vas u Rasiei. I voś vaša imperyja. Vy chočacie skazać, što niejkija symptomy da taho, što budzie kryzis i inš., ja bajusia, kab hety kryzis nie pryvioŭ da taho, što naahuł nie zachłopnułasia vakoł Rasiei ŭsio.
Tamu što Rasieja nia maje siońnia ni čałaviečaha resursu, vielmi słušnuju dumku ŭ mianie sarvali. Miljon štohod stračvajem nasielnictva. Kali nia bolš. A dadajcie da hetaha biesprytulnych, dziaciej, ad jakich admovilisia, katorym vy plastyram rot zaleplivajecie z hetymi, žudasnyja kadry. Dla mianie heta dzieci ŭsio. U ruskaha čałavieka hetaha ŭvohule, u pryncypie, nie było, i być nie mahło. Ruski čałaviek padbiraŭ dzietak na vulicy, asabliva ŭ časy Dziaržynskaha. U nas nivodnaha nie było biesprytulnaha, choć usia Rasieja była i my, u tym liku, biesprytulnyja. My dali rady hetaj prablemie mamentalna. Čamu vy, zarablajučy sotni miljardaŭ, padličvajučy hetyja hrošy, napramiły boh, kali vy ź Biełarusi ŭziali bolš i hetym biesprytulnym addaścio i kinutym dzietkam, a lepiej siemjam vierniecie kaštoŭnaści tyja, jakija byli, nia budzie nijakich kinutych. My bolej vam addamo.. Tamu ja bajusia, kab hety ŭsiaśvietny kryzis dla Rasiei i dla nas, u tym liku, ja nie adździalaju siabie pakul ad Rasiei ŭ hetym vypadku, nie začyniŭ uvohule dźviery. Vy nia dumajcie, što kryzis budzie raźvivacca ŭ tym napramku, što razvalicca amerykanskaja imperyja i ichnaja palityka. A kali naadvarot, kryzis pryviadzie da abvastreńnia i apraŭdańnia taje palityki, jakaja siońnia pravodzicca. Jany ž dla heta zrobiać usio, kab začynić pierad nami navokał usio. Voś vam Tureččyna, siabra NATO na poŭdni. Hruzija, dzie pabudavanyja ŭžo siońnia špitali pry kožnym aeradromie šykoŭnyja dla taho, kab pryziamlić tam samaloty amerykancaŭ i stvaryć tuju samuju systemu PRA. Voś vam heta suprać Iranu, ale radary vakoł hladziać. I ŭstanoŭki rakietnyja pavaračajucca ŭ luby bok. Ja ŭžo siabie niekarektna pavodžu z rasiejskim kiraŭnictvam, ale dalej užo ciarpieć hetuju vakchanaliju i biaździejnaść niemahčyma.A.Prachanaŭ: Ciapier u hramadzkaj śviadomaści Rasiei ŭpieršyniu, moža być, za apošnija paŭtara-dva hady sutyknulisia dźvie kancepcyi ŭvohule ŭ isnavańni rasiejskaj dziaržavy. Adna kancepcyja — imperskaja, Rasieja nia maža być monanacyjanalnaj dziaržavaj. Heta imperyja, navat u tym vyhladzie, u jakim jana ciapier isnuje. I pa-raniejšamu heta ŭsiečanaja kancepcyja nacyjanalnaj dziaržavy. Hruba kažučy — Rasieja dla ruskich. Voś my i atrymali hetuju nacyjanalnuju dziaržavu, jakaja nia maje ani vychadu na Zachad, ani vychadu na poŭdzień, i ŭ vyniku hublajem u asobie Biełarusi nadziejnaha, sucelnaha, harmaničnaha, zdarovaha maralna i palityčna chaŭruśnika.
A.Łukašenka: Alaksandar Andrejevič, ja vas vielmi rasčaruju. Ale vy, musić, sami heta adčujecie. Rasieja nikoli bolš nia budzie imperyjaj. Rasieja nia maje dla hetaha resursaŭ. Vy kavałkami ŭsio stracili. Usio. Vyklučna pryčyna taho i vina — vy sami. Voś idzie pasiedžańnie SND. Kali Jelcyn, jon vielmi bajaŭsia. Voś «starejšy brat», kaniok byŭ suverenitet hetych respublik i inš. I ŭsio niejk nia toje, što pabojvalisia, — ličylisia z hetym mierkavańniem. Ciapier tak: a, vy nie chočacie, nu i nia treba. Nie, kab niešta prapanavać dobraje. Nia treba padačak hetych.
Nia treba, jak u vas kažuć, płacić treba za toje, kab padciahnuć da siabie respubliki. Nu, navošta Biełarusi płacić? My sami zarobim. Vy nie zaminajcie. Vy dapamažecie, kab my mahli zarabić razam z vami i z karyściu dla vas. Vy nia siłaj, mocaj svajoj, nie haršyma, resursami, vy ničym nie praciahnuli, nie zacikavili tych dziaržavaŭ.A.Prachanaŭ: Ja miarkuju, što vy ciapier u svaim losie, žyćci i prezydenckaj karjery pieražyvajecie najvastrejšy peryjad. Mabyć, samy vostry za ŭsiu vašu historyju prezydenckuju. Vy sami kažacie: ja nia viedaju, što rabić, jak być. Vy demanstrujecie takoje razdarožža. Sapraŭdy, jak być. Va ŭmovach takoha cisku, adarvańnia źniavažlivaha i pramoha, patrebnaja ž reakcyja. Kaniečnie, asabistaja reakcyja, dyj navat kali iści na Zachad, heta ž pieraaryjentacyja ŭsioj stratehii, razmova z narodam musić być inšaja. Heta pa sutnaści pieraacenka ŭsiaho taho, što było zroblena ŭ vašaj idealohii, palitycy praz usie hady. Heta ž pakutny praces. Dla vas heta, mnie padajecca, najdramatyčny praces. Jon vam načami spać nie daje.
A.Łukašenka: Na žal, trapna pacelili. A ŭjavicie, što było da Novaha hodu i ŭ Novy hod i paśla Novaha hodu. My viedali ŭžo tankiery kankretnyja, katoryja b vyhruzilisia ŭ Prybałtycy, i nafta pastupiła na našyja naftapierapacoŭčyja zavody. Ale navat u hetaj sytuacyi ja patelefanavaŭ Pucinu i skazaŭ: chaj nieadkładna vykonvaje toje, pra što my damovilisia. A nam heta było skrajnie nievyhodna. A kali b ja pajšoŭ na tyja ŭmovy, jak mnie prapanoŭvali, dzie b vy byli siońnia. I ja ŭžo voś tak najeŭsia.
Užo prosta siłaŭ nia maju. Paŭtara dziasiatka hadoŭ, a moža być i dvaccać, voś heta baraćba, baraćba. Bieśpierapynnaja baraćba. I pytajeśsia, usie ž, zdajecca, musiać razumieć, što nie dla siabie ty heta robiš. Niaŭžo tak mnoha treba čałavieku navat tych hrošaj, nu navošta vašym čynoŭnikam miljardy dalaraŭ. Nu, sto miljonaŭ chopić na siabie i jašče na dva pakaleńni. Kali narmalna prosta žyć.A.Prachanaŭ: I tłumačeńnie tolki takoje, bo ž nafta, jakuju pampujuć praź Biełaruś, rasiejskuju naftu, i rasiejskaja hramadzkaja dumka kaža, tak, naša nafta, heta ž nie rasiejskaja nafta. Heta nafta alakpieraŭskaja, heta nafta Abramoviča, Vieksielbierha. Heta nafta inšych ludziej. Heta nie rasiejskaja nafta. A hetyja naftadalary, jakija my atrymlivajem, navat hazavyja dalary, Stabilizacyjny fond. Što takoje Stabilizacyjny fond? — heta reparacyja, jakuju Rasieja płacić Amerycy.
A.Łukašenka: A kali zaŭtra abiascenicca dalar. Vy razumiejecie, što siońnia na 30% abiasceniŭsia dalar. Vy mieli 100 młrd, a stała 70.
A.Prachanaŭ: Kaniečnie.
A.Łukašenka: A hetyja što 30 młrd nielha było ŭ darohi ŭkłaści i niešta zbudavać u Rasiei. I nas prymušajuć pavialičvać reparacyi. Tamu nu jak my da hetaha možam stavicca.
A.Prachanaŭ: Nu, jak. Emacyjna ja razumieju jak. U čym stratehija?
A.Łukašenka: Viedajecie, u nas vielmi pravilna była raspracavanaja stratehija zamiežnaj palityki — šmatviektarnaść. My ŭ centry Eŭropy, nam treba žyć z usimi susiedziami narmalova. Ja vam skazaŭ, my pabudavali svaju palityku tak, i ja ŭžo heta daŭno adčuŭ, što kaliści pryjdzie čas, što nas prosta voś tak akunuć.
Byli ŭ ich takija razmovy, u vašych, nidzie nie padzienucca. Voś Biełaruś užo nidzie nie padzieniecca. Voś z Kazachstanam budziem razmaŭlać, tamu što mohuć niedzie padziecca. A hetym užo ŭsio vyrašana. Prychodźki vašyja dy inš. Usio vyrašana. Ja časta kazaŭ: Uładzimier Uładzimieravič, padzieniemsia. Viadzicie sumlennuju palityku adnosna biełaruskaje dziaržavy i narodu. Kaniečnie, my ciapier budziem vykarystoŭvać luby momant dla taho, kab naładzić adnosiny z Zachadam. Nu čamu my musim ź imi sabačycca.A.Prachanaŭ: Kaniečnie.
A.Łukašenka: Majučy na ŭvazie, što my ž vam pastaŭlali na pačatku majho prezydenctva 70 ź niečym adsotkaŭ tavaraŭ, siońnia vam pastaŭlajem 30%, a EZ — 45%. Kali nas buduć cisnuć, voś, dapuścim, u naftavaj sfery, heta znoŭ, u nas superzavody. My ich madernizavali. Čamu, voś, viedajecie, u čym sprečka. My kupili ŭ vas naftu. 21,5 młrd letaś pavodle damovy, jak naležyć. Ale ž vy pradajacio hetuju naftu i vam vyhodna pradavać. My ž za suśvietnyja ceny jaje ŭ vas kuplajem. Hetuju naftu, što my kupili za svaje hrošy, a što vašyja kampanii na davalnickich schiemach heta im vielmi vyhadna, pryvieźli ŭ Biełaruś na hetyja zavody dva madernizavanyja, dzie hłybinia pierapracoŭki siońnia 75%, a ŭ vas 50%. A my madernizavali, hłybinia pierapracoŭki, vychad śvietłych naftapraduktaŭ vyšej, čym u vas. Prytym jakaść adpaviadaje eŭrapiejskaj. Tam ža standarty vysokija. U ich nafty niama, jany, jak Saudaŭskaja Arabija, pradajuć śvietłyja naftapradukty, benzin, hazu, rakietnaje paliva, salarku i hetak dalej. Jak heta tak. Na hetym zarablajuć. Zajzdraść, razumiejecie. Voś jak jany biaz nafty, biaz hazu, tut jašče varušacca. Treba prycisnuć. Voś tam žurnalistaŭ rasiejskich Łukašenka sabraŭ, rehijanalščyki vašyja, dziakuj, zaŭsiody byli, voś jon im tam raspaviadaje i h.d., što tut adbyvajecca ŭ hetaj Biełarusi. Pahladzicie, jakaja histeryja była ŭ momant hetaha kanfliktu. Dyj doŭžycca. A jana b dla vas skončanaja była druhim pierakryćciom kranu. Tak ža sama vyćcio było b. I my ŭžo na Zachadzie byli b. Paśla ŭsiaho hetaha my b užo na Zachadzie byli.
A.Prachanaŭ: A tam na vas čakajuć, zrešty.
A.Łukašenka: Ja kažu, voś, mnie treba było hety kran začynić, ja b tolki viedaŭ...
A.Prachanaŭ: Vam tam łožak paścialili tam.
A.Łukašenka: Nu, kaniečnie. Ale ja hetaha nie zrabiŭ.
A.Prachanaŭ: Značycca, usio-tki jość jašče šancy dla aljansu.
A.Łukašenka: Usio zaležyć ad kiraŭnictva rasiejskaha. Ale jamu hetaha nia treba, Alaksandar Andrejevič. Ja sumniajusia navat, ci treba nam našu Biełaruś u składzie Rasiei, jak jany chočuć. Heta prosta padkidajuć zdychlacinu hetuju, viedajučy, što ja na heta nie mahu pajści. Heta ž vy ŭ Rasiei imperski čałaviek, vy navat razumiejecie, što siońnia formy musiać być zusim inšyja.
A.Prachanaŭ: Nu, kaniečnie. Absalutna inšyja.
A.Łukašenka: Siońnia Biełaruś jana faktyčna ŭ składzie Rasiei. Bolš, čym u składzie Rasiei. Tamu što tut ruskamu čałavieku našmat lepš, čym u samoj Rasiei ŭ mnohich miescach. Siudy ludzi pryjaždžajuć usie, rasiejcy, ruskija i kažuć: słuchajcie, ja tut siabie pačuvaju jak udoma. Heta ž niaprosta było źniać ludziej z čamadanaŭ paśla Šuškieviča, supakoić ich, i śledam nadać rasiejskaj movie paśla hetaha nacyjanalistyčnaha ŭharu roŭny status ź biełaruskaj, zrabić jaje dziaržaŭnaj movaj. Kolki mnie daviałosia vytryvać. Kolki my ruskich ludziej prytulili z Kazachstanu i dahetul.
A.Prachanaŭ: Voś vy nadoječy skazali, vašyja ž vystupy ŭ Rasiei sapraŭdy albo ich niama, albo frahmenty. Vy skazali, što treba sastyhnuć.
A.Łukašenka:Tak, było takoje.
A.Prachanaŭ: Voś my ciapier styhniem, usio jašče ci ŭžo sastyhli?
A.Łukašenka: Heta ž kryk, spakojny kryk dušy. Da rasiejcaŭ. Zaklik. Jany i nie nahretyja. Heta nam treba sastyć.
A.Prachanaŭ: Voś za hety čas ci byli jakija-kolviek sproby źniać hety žach, hetuju biadu.
A.Łukašenka: Dy nie, jaki žach. Sustreča z Merkiel — apraŭdańnie, što heta voś jany idyjoty. Sustreča z kimści ŭ Davosie, vy ž čuli, Čubajs, choć, frahmenty, ale zrazumieli. Naadvarot idzie nahniatańnie. Voś hetyja siły ciapier aktyvizavalisia, kab dacisnuć. Ale ŭ čym praličylisia. Łukašenka, maŭlaŭ, haračy, viedajecie, kali baćka reźnie, dyk usio. A jon uziaŭ i nia reznuŭ. Kaža: treba sastyhnuć. Jany dumali, što ja ŭ siłu svajho emacyjnaha charaktaru zaraz pačnu ŭsio łamać, kryšyć i zaŭtra hetuju systemu praamerykanskuju pad Smalenskam pastaŭlu. A tak nie atrymałasia. Tamu nijakaha tut pavarotu niama. Heta vielmi strašna, kali dziaržava robić takija rezkija pavaroty. A što takoje, zrešty, zdaryłasia, kab zrabić taki pavarot. Što vajna, tak adbyŭsia kanflikt. Prykry kanflikt. Tak, my ŭsie razumiejem, chto vinavaty. Navat tyja, chto heta zrabiŭ. Toj samy Pucin razumieje, chto vinavaty. Nu dyk davajcie zrobim vysnovy. I nia treba znoŭ vystrojvać hetuju palityku. Davajcie voźmiem damovu i ŭsie pahadnieńni da hetaje damovy ab stvareńni adzinaj dziaržavy. I pačniem heta vykonvać. Vy pačali vykatvać, jak ja kažu, nam niepryjmalnyja prapanovy. Adzinaja valuta, navošta? Rasiejski rubiel, nie supolnaja valuta, jak jon siońnia kazaŭ, a rasiejski rubiel. Davajcie ŭviadziem u Biełaruś, likvidujem biełaruski rubiel. Kali pajšło ŭzmacnieńnie našaj biełaruskaj valuty. Našaje nasielnictva daviaraje bolej biełaruskamu rublu. Davajcie ŭchvalim Kanstytucyju. U Kanstytucyi budzie prapisanaja palityčnaja, ekanamičnaja, finansavaja systema našaha ŭtvareńnia. Pytańni ahulnaha spravavańnia, pytańni Biełarusi i Rasiei. Jakaja systema ŭłady kiravańnia budzie ŭ hetym sajuzie i hetak dalej. I tam budzie prapisany raździeł: valuta. Čamu my vychoplivajem heta i kažam: davajcie rasiejski rubiel.
Kab ja ŭ Kreml za zarobkam jeździŭ? My majem damovu pra stvareńnie sajuznaje dziaržavy. Moc zakonu nabyła hetaja damova. I tam usio dakładna prapisana. I napisana, kali referendum treba pravieści. My majem damovu. U jaho moc voś takaja, a ty prapanoŭvaješ Kanstytucyju voś z takoj mocaj. I iści na referendum da narodu. Navošta mnie vašaja Kanstytucyja, kali damova, što ciapier dziejničaje, macniej za Kanstytucyju. Dyj zrešty, vy čaho baiciesia. My vas, miadźviedzia, nie baimsia, a vy spałochalisia. I nam prapanoŭvajuć Kanstytucyju, prajekt, katory ŭtraja słabiejšy, hruba kažučy, hetaj damovy.A.Prachanaŭ: I Kanstytucyja moža być chitrykam. Vy pahadziciesia na Kanstytucyju i jaje...
A.Łukašenka: Voś i ŭsio. Vy słušna skazali. Adychod ad hetaj palityki — heta taki maralna-psychalahičny ŭdar. Heta maja palityčnaja śmierć. Kaniečnie, my prapanujem spakojna, cicha zapłacić nam za ziamlu. A viedajecie, kali hazapravod Jamał-Eŭropa budavaŭ, Rem Viachiraŭ da mianie pryjechaŭ, voś jak jon budavaŭsia. Druhaja nitka. «Biełtranshaz» jość dźvie truby. A Jamał-Eŭropa tranzytny hazapravod, katory Šuškievič faktyčna pachieryŭ. Amerykancy nie, i ŭsio. Pryjaždžaje da mianie Rem Viachiraŭ: Alaksandar Ryhoravič, my chočam u vas pabudavać hazapravod. Davajcie. Nu, pamažycie nam. Rasieja tady ŭvohule niščymnaja była. 8 dalaraŭ barel nafty kaštavaŭ. Ja kažu: čym dapamahčy. My sami ŭ razrusie całkam. — Nu, davajcie my dakumentacyju, pryviazki i inšaje. Ja kažu: zaŭtra pačynajcie budavać. — Jak u nas, niama ni damovy, ničoha. Zaŭtra, kažu, pačynajcie budavać. Voś maje harantyi.
I jon pačaŭ budavać. I my paralelna tolki stvarali narmatyŭnuju bazu pad hety... Ja ž sumlenna zrabiŭ. I pabudavali razam ź im, chronika jość, my adkryvajem hety Jamał-Eŭropa hazapravod. Pabudavali nitku, ja pobač pad druhuju trubu fundamenty, stancyi. Pucin, vystupajučy, rańni Pucin u nas u Biełarusi kaža: voś vy pamažycie nam, vam heta vyhadna Jamał-Eŭropa. My budziem praz vas pampavać stolki hazu ŭ Zachodniuju Eŭropu, što vy za tranzyt možacie kupić całkam patrebu svajho hazu. Prajšoŭ peŭny čas, jon admoviŭsia budavać druhuju nitku. Pad Šrodera-taki trapiŭ. Pačali heta budavać. Ja kažu: navošta. Heta biazhłuzdy durny prajekt. Voś vam Biełaruś. Chočacie, darma, tolki nia ciśnicie nas. Tak jany pachieryli ŭsio, što dla druhoj nitki było stvorana na sotni miljonaŭ dalaraŭ, usio heta... A my ž raźličvali, my ilhoty vam davali pad hety hazapravod, mierkavali, što vy nam choć za tranzyt potym zapłacicie. My ž usio zrabili i navat z svajho biudžetu finansavali hety hazapravod. Usio było na maich vačoch. Ja dumaju, našto ja heta zrabiŭ. A ja ž dumaŭ, što my svaje ludzi.
