Kryminalnaja sprava zaviedzienaja 17 studzienia ŭ Partyzanskim rajonie Minska ŭ dačynieńni da 22-hadovaha šlifoŭščyka adnaho z pradpryjemstvaŭ.
Złačynstva było ŭčyniena ranicaj 17 studzienia.
U pačatku pracoŭnaha dnia 20-hadovaja kasirka adnoj ź minskich kramaŭ źviarnuła ŭvahu na dvuch pjanavatych chłopcaŭ, jakija znachodzilisia ŭ handlovaj zale.Ich pavodziny padalisia dziaŭčynie padazronymi, bo chłopcy stajali vielmi blizka adzin da adnaho i zakryvali ahlad. Zatym maładyja ludzi vyjšli z-za stełaža z napojami i skiravalisia da kasy. Adzin z chłopcaŭ prajšoŭ praz punkt raźliku, demanstrujučy źmieściva svajho pakieta, i paviedamiŭ, što ŭ im ničoha niama, a jaho tavaryš staŭ u čarhu.
Kali małady čałaviek prachodziŭ mima, dziaŭčynie padałosia, što jon schavaŭ pad kurtkaj plašku harełki. Jana paklikała klijenta, ale małady čałaviek adkazaŭ, što ničoha nie braŭ i rvanuŭ da vychadu.
Začyniŭšy kasu, pracaŭnica kramy kinułasia śledam, dahnała rabaŭnika, pavaliła jaho na ziamlu i zapatrabavała viarnuć skradzienaje.
Zrazumieŭšy, što źbiehčy nie atrymajecca, chłopiec addaŭ tavar i razam z kasiram dačakaŭsia prybyćcia milicyi.
0
0
0
0
0
0