Staršynia Centralnaj kamisii pa vybarach i praviadzieńniu respublikanskich refierendumaŭ Lidzija Jarmošyna ličyć, što Biełaruś nie admovicca ad praktyki zaprašeńnia mižnarodnych nahladalnikaŭ za chodam vybarčych kampanij. Takoje mierkavańnie jana vykazała 19 studzienia ŭ prahramie «Aktualnaje intervju» na telekanale «Biełaruś — 1».
«Biełaruś zaŭsiody śviata vykonvaje svaje abaviazacielstvy, u tym liku i pierad ABSIE. Pakolki naša kraina dałučyłasia da kapienhahienskaha pahadnieńnia, u jakim skazana, što lubaja dziaržava ličyć, što ŭdzieł mižnarodnych nahladalnikaŭ pavyšaje prestyž vybaraŭ, to ja dumaju, što my abaviazkova budziem zaprašać nahladalnikaŭ jak z Zachadu, tak i z Uschodu», — skazała kiraŭnik CVK.
Razam z tym Lidzija Jarmošyna nie vyklučaje, što ich kolkaść budzie źmienšana. «My ž nikoli nie abmiažoŭvali kolkaść nahladalnikaŭ, u nas ich było biaźmiežna šmat. Pahladzicie, u Rasii — takoj vialikaj dziaržavie, na parłamienckich vybarach byli 300 nahladalnikaŭ ad ABSIE, i jany ličać, što heta niamała. A ŭ nas — 600 na vybarach prezidenta.
Choć my terytaryjalna nie bolš čym Maskoŭskaja vobłaść» [terytoryja Maskoŭskaj vobłaści składaje 46 800 kv km — NN],— skazała jana.
Zakranajučy patrabavańni jeŭrapiejskich ekśpiertaŭ ab libieralizacyi biełaruskaha vybarčaha zakanadaŭstva, Lidzija Jarmošyna padkreśliła, što biełaruski bok na 90 pracentaŭ vykanaŭ hetyja ŭmovy.
«Moža być, apošniaje, što ŭ nas jašče nie vykanana, — nielha vyniki vybaraŭ abskardzić u sudzie, heta značyć rašeńnie CVK źjaŭlajecca kančatkovym.Ale my idziom na heta śviadoma,
Lidzija Jarmošyna zajaviła,
što pretenzii nahladalnikaŭ da praviadzieńnia vybaraŭ u Biełarusi «majuć zusim štučny charaktar».Pavodle jaje słoŭ, navat pradstaŭniki ABSIE vialikich pretenzij da raboty CVK nie majuć. «Jany mohuć havaryć, što, maŭlaŭ, nie chapaje kalehijalnaści, heta značyć jany ličać, što častku zvarotaŭ hramadzian ja nie pavinna razhladać asabista, ich usie treba vynosić na pasiadžeńni kamisii, ale i heta ŭsio pretenzii techničnaha płana. Što datyčycca pytańniaŭ, źviazanych z sapraŭdnaściu vynikaŭ vybaraŭ, to ni adzin mižnarodny, jak i nacyjanalny, nahladalnik nivodnaha fakta parušeńniaŭ CVK nikoli za čas majoj raboty i da hetaha nie pradjaŭlaŭ», — adznačyła staršynia CVK. Pavodle jaje mierkavańnia, pretenzii, jak praviła, robiacca pad vybarčuju kampaniju, apanienty ŭłady imknucca «dezavuiravać dziejnaść CVK i ŭvohule ŭsich arhanizataraŭ vybaraŭ, i, pa sutnaści spravy, heta apraŭdańnie ŭłasnych niaŭdač pa vynikach vybaraŭ». «Bo prajhraŭšyja, časta, ludzi vielmi ambicyjnyja i nie zdolnyja pryznać ułasnyja pamyłki», — adznačyła starašynia CVK.
