«Pakul Siarhiej Kavalenka ŭžo miesiac trymaje trymaje haładoŭku pratestu ŭ śledčym izalatary, jaho žonka Alena sama spraŭlajecca z dvuma małymi dziećmi. Siarhiej da aryštu ŭtrymlivaŭ siamju, jakuju ciapier faktyčna pazbavili srodkaŭ da isnavańnia. Biełaruskija aktyvisty ŭ emihracyi zaklikajuć ŭsich sumlennych biełarusaŭ dapamahčy jahonaj siamji», — skazaŭ spadar Pimienaŭ.
2-ha i 4-ha studzienia Źmicier Pimienaŭ ładziŭ akcyi salidarnaści ź Siarhiejem Kavalenkam. u Bruseli , nasuprać biełaruskaj ambasady. Apošni raz jon vyjšaŭ ź plakatam «Svabodu palitviaźniam», abmataŭšysia kalučym drotam.
Abodva razy palitemihranta ź Viciebsku zatrymlivała palicyja.
Siarhiej Kavalenka abviaściŭ haładoŭku pratestu 19 śniežnia, jon pratestuje suprać pieraśledu z boku inspekcyi pa vykanańni pakarańniaŭ. Ź inicyjatyvy supracoŭnikaŭ hetaje ŭstanovy suprać Siarhieja Kavalenki raspačali kryminalnuju spravu za parušeńnie režymu adbyćcia ŭmoŭnaha pakarańnia — «chatniaj chimii», prysudžanaj siabru KCHP BNF za vyviešvańnie bieł-čyrvona-biełaha ściaha na navahodniaj jełcy ŭ Viciebsku 7 studzienia 2010 hodu.
Z 22 śniežnia Siarhiej Kavalenka znachodzicca pad vartaj u Viciebskim SIZA.Jaho adnapartyjcy z KCHP- BNF i pradstaŭniki inšych hramadzkich strukturaŭ taksama pravodziać zbor srodakaŭ dla siamji aktyvista šmat u jakich haradach Biełarusi.