Respublikanskaja mastackaja vystaŭka «Art-krok» — u Nacbiblijatecy

Respublikanskaja mastackaja vystaŭka «Art-krok» razhorniecca z 24 studzienia adrazu ŭ troch halerejach Nacyjanalnaj biblijateki Biełarusi.

Cyrymonija adkryćcia dziasiataj pa liku vystaŭki «Art-krok» hramadskaha abjadnańnia «Mižnarodnaja hildyja žyvapiscaŭ» adbudziecca ŭ halerei «Łabirynt». Maštabnaja ekspazicyja taksama razhorniecca ŭ halerejach «Atryum» i «Rakurs».

Jak adznačyli ŭ Nacyjanalnaj biblijatecy, siabry Mižnarodnaj hildyi žyvapisacaŭ — heta samyja viadomyja i paśpiachovyja mastaki, jakija z hodu ŭ hod pradstaŭlajuć na sud hledačoŭ novyja raboty. «Taki padychod daje mahčymaść niepasrednaha znajomstva z tvorčym pracesam, što cikava nie tolki šyrokim kołam hledačoŭ, ale i prafiesijanałam u śfiery mastactva. Raboty dajuć mahčymaść prasačyć raźvićcio najnoŭšych mastackich tendencyj», — ličać arhanizatary.

U vystaŭcy prymuć udzieł amal paŭsotni ajčynnych aŭtaraŭ, u liku jakich Uładzimir Kožuch, Vasil Kaściučenka, Anatol Baranoŭski, Dźmitryj Surynovič, Alaksandr Zabaŭčyk, Hienadź Drazdoŭ, Fiodar Jastrab, Uładzimir Rynkievič.

Vystaŭka pradoŭžyć rabotu da 24 lutaha.

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH