U chodzie majučaha adbycca vizitu kiraŭnika biełaruskaj dziaržavy va Ukrainu budzie razhledžany šerah pytańniaŭ supracoŭnictva i dvuchbakovych pahadnieńniaŭ, paviedamiŭ karespandentu BIEŁTA Nadzvyčajny i Paŭnamocny Pasoł Respubliki Biełaruś va Ukrainie Valancin Vialička.
U ich liku — Konsulskaja kanviencyja, pahadnieńni ab sproščanym paradku pierasiačeńnia pahranpierachodu Słavucičy — Kamaryn, ab paradku pieradačy asudžanych pa linii MUS, pratakoł ab achovie raślin. Adnak samym hałoŭnym dakumientam, jaki płanujecca padpisać u chodzie vizitu ŭ Kijeŭ, źjaŭlajecca Miemarandum ab supracoŭnictvie pamiž Kabinietam Ministraŭ Ukrainy i Uradam Respubliki Biełaruś u enierhietyčnaj śfiery. Jon užo ŭzhodnieny bakami, parafiravany i prachodzić unutrydziaržaŭnyja pracedury, źviazanyja ź jaho padpisańniem. Heta aktualny i patrebny dakumient, u jakim buduć adlustravany pytańni enierhietyčnaj biaśpieki dźviuch dziaržaŭ, adznačyŭ dypłamat.
U pryvatnaści, prapracoŭvajecca pytańnie ab budaŭnictvie novaj linii elektrapieradačy Rovienskaja AES — Mikaševičy, jakaja daść mahčymaść nie tolki pavialičyć pastaŭki ŭkrainskaj elektraenierhii ŭ Biełaruś, ale i zabiaśpiečyć jaje tranzit praz našu krainu ŭ Polšču, Litvu, Łatviju. Jak viadoma, Biełaruś źjaŭlajecca aktyŭnym spažyŭcom ukrainskaj elektraenierhii. Tolki ŭ 2006 hodzie respublika impartavała bolš jak 2,5 młrd. kVt.hadz na sumu $50 młn. U 2007 hodzie pastaŭki buduć pavialičany da 3,5 młrd. kVt.hadz. Z hetaj metaj płanujecca adnavić techničny stan linij elektrapieradačy Čarnihaŭ — Homiel i ČAES — Mazyr, jakija bolš za 13 hadoŭ nie byli zadziejničany. Niemałavažnaje miesca ŭ zabieśpiačeńni enierhietyčnaj biaśpieki dźviuch krain zajmaje taksama supracoŭnictva ŭ hazavaj śfiery, adznačyŭ Valancin Vialička. Razmova idzie ab sumiesnym vykarystańni abstalavańnia, mahistralnych hazavych trubapravodaŭ, a taksama ŭkrainskich hazavych schoviščaŭ.
Akramia taho, z metaj ekspłuatacyi pa reviersu ŭ napramku Respubliki Biełaruś zapłanavana rekanstrukcyja hazapravoda «Ivacevičy — Dalina». Taksama, pavodle słoŭ pasła, u bakoŭ jość peŭnaja zacikaŭlenaść u realizacyi prajekta transparciroŭki kaśpijskaj nafty pa naftapravodzie «Adesa — Brody». Siońnia pa im prachodzić bolš za 20 młn.t nafty.
Častka nafty (jakaja transpartujecca z Mazyra na Brody) pastupaje ŭ Čechiju, Słavakiju, Paŭdniovuju Hiermaniju, a častka — u reviersnym napramku ŭ adeski port «Paŭdniovy». Akramia taho, praduhledžvajecca, što ŭ chodzie sustrečy kiraŭnikoŭ dźviuch dziaržaŭ buduć zakranuty pytańni, što datyčacca mižnarodnych inicyjatyŭ, dobrasusiedskich adnosin pamiž Biełaruśsiu i Ukrainaj, adznačyŭ Valancin Vialička. Jon taksama paviedamiŭ, što ŭ skład biełaruskaj delehacyi ŭvojduć kiraŭniki MZS, MUS, ministerstvaŭ finansaŭ, pramysłovaści, sielskaj haspadarki i charčavańnia, MNS i šeraha inšych viedamstvaŭ. Hetamu mierapryjemstvu, pavodle słoŭ Valancina Vialički, papiaredničała hruntoŭnaja padrychtoŭka.
Napiaredadni ŭ Kijevie adbylisia rabočyja sustrečy pieršaha namieśnika premjer‑ministra Biełarusi Uładzimira Siamaški, kiraŭnikoŭ ministerstvaŭ i viedamstvaŭ z ukrainskimi kalehami, a taksama kiraŭnika Administracyi prezidenta Biełarusi Hienadzia Niavyhłasa z kiraŭnictvam Sakrataryjata prezidenta Ukrainy, u čas jakich byli ŭzhodnieny ŭsie pytańni, što datyčacca hetaha vizitu. Na 22 lutaha zapłanavana rabočaja pajezdka ŭ Minsk namieśnika kiraŭnika Sakrataryjata prezidenta Ukrainy Alaksandra Čałaha, jaki kuryruje pytańni mižnarodnaha supracoŭnictva. Valancin Vialička padkreśliŭ zacikaŭlenaść ukrainskaha boku ŭ padrychtoŭcy majučaha adbycca vizitu kiraŭnika biełaruskaj dziaržavy va Ukrainu.
