U Minskim zaaparku ciepłalubnych žyvioł pieraviali ŭ zakrytyja valjery z aciapleńniem, kab vyratavać ad maroznaha zimovaha nadvorja. Pra heta 31 studzienia paviedamiła małodšy navukovy supracoŭnik aśvietadździeła zaaparka Taćciana Konanava.
«Usie ciepłalubnyja žyvioły pieraviedzieny ŭ zakrytyja valjery z aciapleńniem. Našy žyvioły pieranosiać zimu dobra, marazy dla ich nie ŭpieršyniu. Usie žyvioły, jakija ciapier znachodziacca na vulicy, da marazoŭ pryzvyčailisia. Jany i ŭ pryrodzie spakojna ich pieranosiać. Heta zubry, vaŭki, amurski tyhr, viarbludy», — paviedamiła Konanava.
Pavodle jaje słoŭ, admysłovym valjeram mohuć pachvalicca lvy: jon u ich sumieščany, što dazvalaje žyviołam pa žadańni vychodzić na vulicu i viartacca nazad ŭ ciopłaje pamiaškańnie z tempieraturaj 15 hradusaŭ Celsija.
Zimovy racyjon charčavańnia žyvioł, adznačyła Konanava, bolšy za letni i składajecca z aharodniny i sadaviny, jakija možna dastać zimoj u našych šyrotach, hałoŭnym čynam heta kapusta, morkva, buraki, apielsiny, banany.
«Małpam dajucca vitaminy, busłam padściłajecca śpiecyjalnaje siena, kab nie mierźli łapki, vystaŭlajucca miasa i ryba ŭ ciopłaj vadzie», — skazała Konanava.