Prakuratura vyrašyła nie zavodzić spravu na Michałka 14

Prakuratura nie budzie pačynać kryminalnuju spravu suprać lidara hurta «Lapis Trubiackoj» Siarhieja Michałka z-za adsutnaści ŭ jaho słovach kryminalnaha ŭčynku. Pra heta havorycca ŭ liście z prakuratury Minska, jaki atrymała advakat muzykanta.

«Napisana, što

pavodle vynikaŭ hetaj pravierki, pryniataje pracesualnaje rašeńnie ab admovie va ŭzbudžeńni kryminalnaj spravy z-za adsutnaści hramadska niebiaśpiečnaha ŭčynku, praduhledžanaha kryminalnym zakonam, —

začytvaje list z prakuratury pres-sakratar «Lapisaŭ» Alaksandr Bierhier.

— Tut napisana čysło 22.12.2011 hoda, ale my atrymali jaho tolki praź miesiac».

Praŭda, pakul Siarhiej Michałok u Biełaruś nie jeździŭ, a kali navat źbiarecca, to afišavać hetaha nie budzie, dadaje Bierhier.

Nahadajem, u kastryčniku minułaha hoda Siarhieju Michałku pryjšła paviestka ŭ prakuraturu Centralnaha rajona Minska. Ale ŭ hety čas jon znachodziŭsia ŭ zamiežnym tury i na sustreču nie pryjšoŭ. Paźniej, śledčy patłumačyŭ Jeŭraradyjo, što kryminalnaja sprava nie zavodziłasia, a prakuratura pravodzić pravierku pa fakcie vykazvańniaŭ muzykanta ŭ adras Alaksandra Łukašenki, u jakich jon žorstka krytykavaŭ kiraŭnika Biełarusi.

Jeŭraradyjo

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH