Stan respublikanskich aŭtadaroh blizki da krytyčnaha 5

Pra heta paviedamiŭ siońnia na pres-kanfierencyi načalnik upraŭleńnia ŭtrymańnia darožnaj sietki departamienta «Biełaŭtadar» Ministerstva transpartu i kamunikacyj Alaksandr Hałaŭnioŭ.

«Kali mahistralnyja darohi jašče bolš-mienš u narmalnym stanie, to respublikanskija, jakija nie źjaŭlajucca mahistralnymi i złučajuć abłasnyja harady z rajonnymi centrami, užo ŭ stanie, blizkim da krytyčnaha»,

 — skazaŭ Alaksandr Hałaŭnioŭ. Heta źviazana z tym, što na takich respublikanskich darohach užo kala 20–30 hadoŭ faktyčna nie rabiŭsia ramont, akramia jamačnaha.

Na budaŭnictva i rekanstrukcyju daroh srodkaŭ tracicca bolš, čym na padtrymańnie ich u narmalnym stanie. Treba pierabudavać hety padychod, ličyć načalnik upraŭleńnia. «Kali ja jašče try-čatyry hady tamu hanaryŭsia biełaruskimi darohami, to siońnia ja ŭžo nie mahu adkryta skazać, što ŭ nas samyja dobryja darohi», — skazaŭ Alaksandr Hałaŭnioŭ.

Načalnik upraŭleńnia taksama raskazaŭ ab rabocie darožnych słužbaŭ u mocnyja marazy. «My nie dapuścili ni ŭtvareńnia zatoraŭ, ni zryvaŭ ruchu maršrutnaha transpartu abo śpiecsłužbaŭ», — adznačyŭ jon.

Prymianieńnie soli pry tempieratury 20 hradusaŭ marozu i nižej vyklikaje hałalod.

U hetych vypadkach prymianiajecca piasok abo adsievy drabnieńnia bujnych hornych parod.

U hetym hodzie na MKAD mocnyja marazy vyklikali masavuju avaryjnaść.

Na joj byŭ abmiežavany chutkasny režym.

Budzie praanalizavana efiektyŭnaść i, mahčyma, paśla źjaviacca źmianieńni ŭ praviłach darožnaha ruchu pa abmiežavańni chutkaści transpartnych srodkaŭ na darohach u maroznaje nadvorje.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH