U niadzielu, 26 lutaha, dzień narodzinaŭ śviatkuje palitviazień Jaŭhien Vaśkovič. Jamu spoŭnicca 22 hady, a asudžany na 7 hadoŭ kałonii ŭzmocnienaha režymu — heta byŭ adzin z najbolšych terminaŭ biełaruskich palitviaźniaŭ. Sudzili Jaŭhiena ŭ Babrujsku.
Padtrymać chłopca, što nie raz traplaŭ u karcar i ŠIZA za svaju pryncypovuju pazicyju, možna listom ci paštoŭkaj.
212011, h. Mahiloŭ, vuł. Krupskaj, 99A, Turma № 4,Jaŭhienu Vaśkoviču.
Možna taksama dać telehramu, patelefanavaŭšy ŭ luby čas na numar 166. Adna ŭmova — telefon musić być stacyjanarny.
* * *
Jaŭhiena Vaśkoviča zatrymali hod tamu, 17 studzienia 2011 hoda, i asudzili na dziesiać sutak aryštu nibyta za drobnaje chulihanstva. 16 studzienia jon udzielničaŭ u Mahilovie ŭ akcyi salidarnaści z palitviaźniami. Kali ž jon adbyŭ administracyjny aryšt, jaho pakinuli ŭ niavoli, a paźniej vystavili abvinavačvańnie pavodle artykuła «Złosnaje chulihanstva».
U traŭni 2011 hoda Jaŭhiena Vaśkoviča i dvuch prychilnikaŭ idejaŭ anarchizmu, Arcioma Prakapienku i Paŭła Syramałotava, Babrujski sud pryznaŭ vinavatymi ŭ złosnym chulihanstvie i ŭ naŭmysnym naniasieńni škody ŭ asabliva bujnych pamierach.
Usim trom prysudzili pa siem hadoŭ pazbaŭleńnia voli ŭzmocnienaha režymu za napad na budynak babrujskaha KDB.Śledstva vyjaviła, što ŭ noč z 16 na 17 kastryčnika 2010 hoda chłopcy kinuli ŭ budynak babrujskaha KDB dźvie butelki z «kaktejlem Mołatava».
Vaśkovič pryznaŭ fakt napadu, ale nie pakajaŭsia.
* * *
Miesiac tamu, 18 studzienia, ź Jaŭhienam sustrakałasia mama, Rušanija Ivanaŭna.
«Trymajecca jon małajcom. Ja čakała horšaha. Pierakazvaŭ usim na voli vializnyja vitańni, vinšavaŭ z praminułymi śviatami, dziakavaŭ za dopisy i dapamohu. U kamiery ich troje. Jak ja zrazumieła, i televizar tam jość, i knihi čytajuć, haziety atrymlivajuć. Naviny jon viedaje. Ad 10 śniežnia da