Kolkaść parkovačnych miescaŭ na ŭnutrydvarovych terytoryjach Minska nieabchodna pavialičyć udva-try razy. Pra heta zajaviŭ namieśnik ministražyllova-kamunalnaj haspadarki Anatol Šahun.
Pavodle jaho słoŭ, prablemu nieabchodna vyrašać dvuma sposabami: stvarać u miescach zabudoŭ šmatuzroŭnievyja parkinhi i pašyrać parkovačnyja miescy ŭzdoŭž daroh i vulic.
U toj ža čas Šahun adznačyŭ: «U pryncypie, takoj składanaj situacyi z parkoŭkaj u Minsku, jak, naprykład, u Maskvie, niama».
Za 2011 hod na ŭnutrydvarovych terytoryjach Minska dla parkoŭki aŭtatranspartu žycharoŭ abstalavana 7.272 mašynamiescy, u tym liku 1.063 — z pryciahnieńniem srodkaŭ žycharoŭ, 2.183 — za srodki arandataraŭ i pradpryjemstvaŭ.
U 2012 hodzie na ŭnutrydvarovych terytoryjach płanujecca abstalavać bolš za 7.500 miescaŭ dla časovaha raźmiaščeńnia aŭtatranspartu žycharoŭ, u tym liku 2.395 — z pryciahnieńniem srodkaŭ žycharoŭ, 1.433 — za srodki arandataraŭ i pradpryjemstvaŭ.
Usiaho ŭ Minsku prykładna 600 tysiač mašyn naležać hramadzianam, jašče 200 tysiač — roznym pradpryjemstvam i arhanizacyjam.
