Pytańnie nakont płaty za naviedvańnie palikliniki moža być pradmietam šyrokaj dyskusii 3

Pytańnie ab uviadzieńni płaty za naviedvańnie palikliniki ŭ Biełarusi pavinien być pradmietam šyrokaj dyskusii ŭ hramadstvie, zajaviŭ hałoŭny terapieŭt Ministerstva achovy zdaroŭja Vadzim Sušynski 4 krasavika na pres-kanfierencyi ŭ Minsku.

Pry hetym hałoŭny terapieŭt adznačyŭ, što jamu nie viadoma pra padobnyja inicyjatyvy z boku Ministerstva achovy zdaroŭja.

Sušynski taksama paviedamiŭ, što Ministerstva achovy zdaroŭja pravodzić acenku, nakolki dastupnaja miedycynskaja dapamoha va ŭsich rehijonach Biełarusi. «Jość šmat pytańniaŭ pa raźmierkavańni patokaŭ pacyjentaŭ. Ale heta tyja prablemy, jakija, jak praviła, vyrašajucca na ŭzroŭni arhanizacyj achovy zdaroŭja», — skazaŭ jon.

Nahadajem, prapanova ŭvieści płatu za naviedvańnie palikliniki była vykazanaja namieśnikam prem'jer-ministra Biełarusi Anatolem Tozikam 1 sakavika na pasiadžeńni vynikovaj kalehii Ministerstva achovy zdaroŭja. Pavodle jaho mierkavańnia, heta moža skaracić čerhi ŭ paliklinikach. Jak zajaviŭ Tozik, płatu za adno naviedvańnie palikliniki varta ŭstanavić «simvaličnuju» — 5 tysiač rubloŭ.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH