«Tytanik» u 3D

Na ekrany kinateatraŭ Minska vychodzić trochmiernaja viersija epičnaj kinastužki Džejmsa Kemierana, dzie pakazanaje niezabyŭnaje kachańnie na fonie hibieli hihanckaha kruiznaha łajniera.

Uśled za znakavymi halivudskimi prajektami «Karol Leŭ» i «Zornyja vojny» kanviertavańnia ŭ 3D dačakałasia epachalnaja karcina «Tytanik».

Niekali rekardsmien pa kasavych zborach i dziejny lidar pa liku zavajavanych «Oskaraŭ», film zavablivaje ŭ kinateatry hledačoŭ pa ŭsim śviecie — ad dziaciej da babul u hadach.

U svoj čas pośpiech «Tytanika» byŭ vyznačany dvuma faktarami. Pieršy — luboŭ hledačoŭ da ramantyčnych siužetaŭ, jakija razhortvajucca na fonie histaryčnych katastrof abo vojnaŭ. Druhi faktar ​​- ažyjataž vakoł karciny. Haziety i TB raspaviadali pra hihanckija sumy, vydatkavanyja na stvareńnie dekaracyj i karabla, maštabnyja zdymki i žyvuju śviedku hibieli «Tytanika», jakaja źniałasia ŭ karcinie.

Vychad «Tytanika» ŭ 3D-viersii prymierkavany da stahodździa hibieli kruiznaha łajniera (14 krasavika). Ci zmoža novy varyjant filma pryciahnuć hledačoŭ, stanie viadoma chutka: karcina vychodzić na ekrany 5 krasavika.

Tut.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH