Raspaŭsiudžany arhumient na karyść admieny ekanamičnych i palityčnych sankcyj suprać Biełarusi śćviardžaje, što Kreml zacikaŭleny va ŭzmacnieńni hetych sankcyj, bo jany vymusiać Łukašenku pajści na sastupki, pierš za ŭsio — pieradaču stratehičnych pradpryjemstvaŭ pad kantrol rasijcaŭ.
Pry hetym ihnarujecca fakt taho, što
Rasija za apošnija miesiacy niekalki razoŭ zaklikała admianić sankcyi i pierajści da dyjałohu z Mienskam.Hetaha tyčyłasia zajava MZS Rasii, zajava pasła Rasii pry ES, supolnaja zajava z łukašenkaŭskaj Biełaruśsiu i Kazachstanam, a taksama sumiesnaja zajava Miadźviedzieva i Łukašenki
Hetyja zajavy možna było b rastłumačyć čarhovym pośpiecham łukašenkaŭskaha łabizmu ŭ Maskvie (a ŭ hetym dačynieńni dośvied u režymu ŭ Miensku bahaty na pieramohi) abo prosta pijaram u rečyščy zvykłaha ampłua Rasii jak advakata suśvietnych izhojaŭ ad KNDR da Siryi. Adnak
analiz prahramnych dakumientaŭ rasijskaj ułady, jakija tyčacca mižnarodnych adnosin, daje zrazumieć, što havorka idzie ab stratehičnym intaresie Kramlai arhumiencie, jakomu ŭ analizie efiektyŭnaści sankcyj suprać Biełarusi nadajecca zamała ŭvahi.
Rasijskaja zamiežnapalityčnaja stratehija: ES + Jeŭrazijski sajuz
Dakumienty demanstrujuć dva asnoŭnyja kirunki zamiežnaj palityki Rasii na bližejšyja hady. Adzin tradycyjna tyčycca intehracyi (jak zajaŭlajecca, pierš za ŭsio ekanamičnaj) na postsavieckaj prastory: pabudova adzinaj ekanamičnaj prastory ź Biełaruśsiu i Kazachstanam, mahčymaje ŭciahvańnie ŭ praces inšych krain byłoha SSSR, pierš za ŭsio Ukrainy.
Druhi viektar, jaki zvyčajna zastajecca ŭ ciani, zaklučajecca ŭ ekanamičnaj intehracyi ź Jeŭrapiejskim sajuzam.
U svaim niadaŭnim artykule budučy prezident Pucin napisaŭ nastupnaje:
«
Rasija — nieadjemnaja, arhaničnaja častka Vialikaj Jeŭropy, šyrokaj jeŭrapiejskaj cyvilizacyi.Našy hramadzianie adčuvajuć siabie jeŭrapiejcami… Rasija prapanoŭvaje ruchacca da stvareńnia ad Atłantyki da Cichaha akijana adzinaj ekanamičnaj i čałaviečaj prastory — supolnaści, zvanaj rasijskimi ekśpiertami «Sajuzam Jeŭropy».
Pierad hetym Pucin toje ž samaje pisaŭ u svaim artykule pra budučy tak zvany «Jeŭrazijski sajuz»:
«Jeŭrazijski źviaz budzie budavacca na univiersalnych intehracyjnych pryncypach jak nieadjemnaja častka Vialikaj Jeŭropy, abjadnanaj adzinymi kaštoŭnaściami svabody, demakratyi i rynkavych zakonaŭ…
Jašče ŭ 2003 hodzie Rasieja i ES damovilisia ab farmavańni Supolnaj ekanamičnaj prastory, kaardynacyi praviłaŭ ekanamičnaj dziejnaści biez stvareńnia nadnacyjanalnych strukturaŭ. U raźvićcio hetaj idei my prapanavali jeŭrapiejcam razam padumać ab stvareńni harmaničnaj supolnaści ekanomik ad Lisabona da Uładzivastoka, ab zonie svabodnaha handlu i navat bolš prasunutych formach intehracyi. Ab farmavańni ŭzhodnienaj palityki ŭ śfiery pramysłovaści, technałohij, enierhietyki, adukacyi i navuki. I, narešcie, ab źniaćci vizavych barjeraŭ. Hetyja prapanovy nie paviśli ŭ pavietry — jany detalova abmiarkoŭvajucca jeŭrapiejskimi kalehami.
Zaraz udzielnikam dyjałohu ź ES stanie Mytny, a ŭ dalejšym i Jeŭrazijski sajuz».
Takim čynam, možna skazać, što
ŭ doŭhaterminovaj pierśpiektyvie ciapierašniaja rasijskaja zamiežnaja palityka nacelena na ŭ tym ci inšym vyhladzie ekanamičnuju kanvierhiencyju ES i «Jeŭrazijskaha źviaza».
Rasiju (rasijskuju elitu) ź ES źviazvaje, mahčyma, navat bolš prahmatyčnych intaresaŭ, čym z krainami byłoha SSSR. ES dla Rasiei — heta asnoŭny rynak zbytu vuhlevadarodaŭ, krynica inviestycyj, technałohij, heta miesca dla inviestavańnia kapitałaŭ, atrymańnia adukacyi i miesca realizacyi spažyvieckich pamknieńniaŭ.
Kryter paśpiachovaści zamiežnaj palityki Rasii — pierš za ŭsio ŭ dasiahnieńniach na jeŭrapiejskim kirunku. Va ŭmovach hłabalizavanaha śvietu
Rasija, jakaja tak i nie adnaviłasia paśla pravalnych 70 hadoŭ kamunistyčnaha haspadarańnia i ŭžo nie zdolnaja sfarmavać samastojny cyvilizacyjny polus, budzie niepaźbiežna ŭśviedamlać siabie ŭ jakaści samabytnaj častcy jeŭrapiejskaj cyvilizacyi i imknucca da intehracyi ź inšymi krainami Jeŭropy, kudy bolš blizkimi joj, čym musulmanski Uschod ci Kitaj.
Łukašenka jak pieraškoda na šlachu realizacyi rasijski stratehii
Lišnie kazać, što Biełaruś, znachodziačysia na sutyku Jeŭrasajuza i tak zvanaha rasijskaha «blizkaha zamiežža», u dadzienaj kanfihuracyi akazvajecca nie toje, kab vuzłavoj kropkaj, ale pa mienšaj miery subjektam, jaki moža pieraškodzić realizacyi rasijskaj stratehii pabudovy «harmaničnaha supolnaści ekanomik ad Lisabona da Uładzivastoka», pra jaki piša Pucin.
Rasija zacikaŭlena ŭ Biełarusi jak paŭnavartym subjekcie panjeŭrapiejskaha ekanamičnaha intehracyjnaha pracesu.Ekanamičnyja i palityčnyja sankcyi suprać Biełarusi vidavočna supiarečać hetaj vybudavanaj Maskvoj schiemie.
Takim čynam, Rasija naturalnym čynam zacikaŭlena ŭ admienie sankcyj suprać Miensku. Pytańnie zaklučajecca ŭ vydatkach i instrumientach hetaha pracesu.
Vidavočna, što dla źniaćcia sankcyj jość dva varyjanty: prymus režymu ŭ Biełarusi da demakratyzacyi abo prymus zachodnich partnioraŭ da znosin z aficyjnym Mienskam i pryniaćcia Łukašenki jak paŭnavartasnaha intehracyjnaha partniora.
Druhi padychod byŭ nieadnarazova vyprabavany i niaźmienna demanstravaŭ svaju nieefiektyŭnaść. Całkam vierahodna, što Rasija moža praduchilić uviadzieńnie novych sankcyj z boku Zachadu. Ale
Rasii nijakimi namahańniami nie ŭdasca viarnuć Biełaruś u status paŭnavartasnaha ŭdzielnikajeŭrazijska-jeŭrapiejskaj intehracyi, pakul ułada ŭ krainie naležyć Łukašenku.
Čamu Maskva marudzić
Prymus Łukašenki da demantažu aŭtarytarnaha režymu (a pa mahčymaści i da adstaŭki) — adzinaja miera, jakaja harantuje vychad Biełarusi ź mižnarodnaj izalacyi.
Praściej dapamahčy Łukašenku syści ŭ adstaŭku, čym prymiryć śviet z absalutna niedamovazdolnym režymam.
Adzinaje, što spyniaje Maskvu pierad rašeńniem pytańnia pra los Łukašenki — ujaŭnaja mahčymaść atrymać ilhotny dostup da pryvatyzacyi niešmatlikich pryvabnych biełaruskich aktyvaŭ — «Biełaruśkalija» i biełaruskich NPZ. Tut i ŭźnikaje supiarečnaść pamiž stratehičnymi intaresami Maskvy ŭ pabudovie panjeŭrazijskaha intehracyjnaha ŭtvareńnia i taktyčnymi intaresami ŭ pryvatyzacyi kankretnych aktyvaŭ z boku rasijskich kampanij. Mienavita vakoł hetaha budzie budavacca hałoŭnaja intryha bližejšych hadoŭ i heta, mabyć, adzinaje, na čym moža śpiekulavać režym u Miensku ŭ dadzieny momant.
Pry hetym treba ŭśviedamlać, što supiarečnaść heta nie ustojlivaja i nie zmoža trymacca zanadta doŭha. Suprać
z amal luboj inšaj biełaruskaj uładaj dyjałoh ab pryvatyzacyi abo ŭvachodžańni ŭ kapitał stratehičnych pradpryjemstvaŭ, mahčyma, budzie bolš kanstruktyŭnym.A hałoŭnaje, nie budzie pahrozy pierahladu lubych ździełak, ažyćcioŭlenych pry Łukašenku, lehitymnaść ułady jakoha stavicca pad sumnieŭ.
