Rasija z 13 krasavika zabaraniaje avijakampanii «Biełavija» paloty va ŭsie rehijony Rasii, akramia Maskvy.
«My atrymali paviedamleńnie ab spynieńni z 13 krasavika palotaŭ pa ŭsich napramkach u Rasii, akramia Maskvy», —zajaviŭ namieśnik hienieralnaha dyrektara «Biełavija» Ihar Čarhiniec. «Suviaź z rehijonami Rasii spyniena. Budziem niejak vychodzić ź situacyi, viartać hrošy «, — skazaŭ jon.
«Biełavija», akramia Maskvy, vykonvaje rejsy ŭ Pieciarburh, Kalininhrad, Jekaciarynburh, Sočy, a 3 červienia mieła namier adkryć rejs ŭ Novasibirsk.
Raniej Mintrans RF paviedamlaŭ, što
Biełaruś prainfarmavała avijacyjnyja ŭłady Rasii ab namiery z 13 krasavika ŭ adnabakovym paradku skaracić kolkaść rejsaŭ rasijskich avijakampanij z Maskvy ŭ Minsk.
