Staršynia Partyi BNF i kiraŭnik arhkamitetu pa śviatkavańni Dnia Voli adkazvaŭ na pytańni ŭ režymie realnaha času na našym sajcie 16 sakavika z 14 da 16‑j.
***
Rychtujecca mastackaja prahrama. Šmat zaležyć ad dazvołu/zabarony. Davajcie svaje tvorčyja prapanovy, ale, hałoŭnaje, taksama biaryciesia za ich ździajśnieńnie.
Ci planujucca jakija-kolečy sustrečy ź ludźmi u vabłasnych centrach, rajonnych ?
***
U rehijonach nie brakuje znanych frontaŭskich lideraŭ. Kožny viedaje palityčnyja, sacyjalnyja, kulturnickija spravy BNF pad kiraŭnictvam Vincenta Sołtana ŭ Iviancy, Źmitra Vinahradava ŭ Miadziele, baćki j syna Jurkovych u Drybinie j Horkach, Ady Rajčonak u Šarkaŭščynskim rajonie, Ryhora Kastusiova ŭ Škłovie, Jurasia Hubareviča ŭ Biełaaziorsku (dvoje apošnich - kiraŭniki abłasnych arhanizacyjaŭ i pastupova stanoviacca paznavalnymi ŭ miežach svaich abłaściej). Bližejšy Dzień niezaležnaści 25 Sakavika budzie adznačacca ź inicyjatyvy j pieravažna namahańniami Frontu ŭ Viciebsku, Mahilovie, Bieraści dy inšych niestaličnych haradoch.
Sustrečy my pravodzim biezupynna, nieŭzabavie źmienim ich farmat. Našaja stratehičnaja zadača – dajści da kankretnych sacyjalnych hrupaŭ z pratestavym patencyjałam, painfarmavać ich pra padziei j zmabilizavać na abaronu svaj budučyni.
***
Majem dobryja tradycyi j pakul što jašče nia całkam źniščany kadravy patencyjał. Ale fundamentalnaja navuka – darahaja sprava. Musim dałučycca da eŭrapiejskich navukovych prahramaŭ, dla čaho treba ŭstupić u Eŭrapiejski Źviaz. 4% biudžetu EZ (€55 młrd. na 7 nastupnych hadoŭ) idzie na ahulnaeŭrapiejskija navukovyja prahramy. Što da halinovaj navuki, jana raźvivajecca naturalnym čynam usiudy, dzie bujaie sučasnaja navukajomistaja ekanomika. U nas zdarovaja ekanomika moža być tolki takoj. Heta razumieli surjoznyja ekanamisty navat u savieckija časy, kali “prabivali” ŭ Biełarusi navukajomistyja vytvorčaści. Ciapier znoŭ ža treba demakratyčnyja reformy j viartańnie ŭ Eŭropu. A tranzyt nam zaŭždy budzie ŭ pryhodzie.
***
Dziakuj. Baćka raskazvaŭ, što chłapčukami jany bałotaŭ nie bajalisia, viedali ich, chadzili schavanymi pad vadoj patajemnymi ściežkami. Ale kali bačyli na bałotnych kupinach ahieńčyki – pabojvalisia. Mahčyma, tut prajaviłasia hienetyčnaja pamiać pra Cmoka. Cmok – naš nacyjanalny honar. Heta toj samy Źmiej Harynyč (ad raki Haryni), jaki kraŭ u palanaŭ (=u Kijevie) dziaŭčat. Spadziajusia, jahonyja naščadki (na žal, drabniejšyja) vyžyli ŭ merlinskich (sic!) bałotach paśla dvuch dziasiatkaŭ hadoŭ biezupynnaha ich bambavańnia. Tam ža zrabili byli palihon u 1960-m. A Merlin – nia vioska, a doŭhi łancužok chutaroŭ uzdoŭž raki Śćvihi.
***
- Našaja partyja zaŭsiody była suprać prezydenckaj systemy ŭ Biełarusi. Čas pakazaŭ, što my mieli racyju.
***
Našaje proźvišča redkaje, usie Viačorki pachodziać z troch miaścinaŭ. Ja čuŭ pra Vasila Viačorku. Vyśviatlajem. Ale balšynia Viačorkaŭ -- pravasłaŭnych śviataroŭ (ich šmat, niekatoryja słužać u Biełarusi) pachodzić sa słuckaj haliny Viačorkaŭ.
Moj baćka, jak i jahonyja braty j siostry, byŭ pachryščany, jak jon kazaŭ, “u kaplicy” pavodle hreka-katalickaha abradu. U Zachodniaj Biełarusi była na karotki čas adrodžanaja carkoŭnaja Vunija, jaje centar byŭ u Albiarcinie k. Słonima, a prychody dziejničali ŭ tym liku na Stolinščynie. Siamiejnaja tradycyja zachoŭvajecca. Maje dzieci byli pachryščanyja a. Alaksandram Nadsanam. Baćku adpiavaŭ a. Andrej Abłamiejka.
Ja ź biezumoŭnaj i roŭnaj pavahaj staŭlusia da (i maju siabroŭ siarod) usich tradycyjnych biełaruskich kanfesijaŭ, u tym liku ŭciskanych siońnia pratestantaŭ.
***
Nia lasnuŭ. Adrodzicca, bo na jaho jość popyt.
***
Spadziajusia, za adzin vyjezd nia vyklučać. Ale z prablemami nieadkładna źviartajciesia da nas u Miensku na vuł.Varvašeni (raniejšy nazoŭ), 8. Teł. (8-017-)284-50-12.
Ja vielmi chacieŭ i niamała zrabiŭ, kab A.Milinkievič staŭ realnym lideram demakratyčnych siłaŭ. Rešta zaležała j zaležyć ad jaho samoha, a nie ad taho, što jamu “miašajuć”. Što da “ruchu” – pakul pierabiahać niama kudy. Paźniak mieŭ racyju, asudziŭšy kaliści “strukturatvorčaść”: nie struktury čarhovyja z tych ža samych ludziej lapić (heta i jość pseŭdaapazycyjnaja pseŭdadziejnaść), a vytłumačyć ludziam, što j navošta rabić – i dziejničać.
***
Našyja vorahi – heta vorahi biełaruskaj niezaležnaści j svabody.
P.S. Ja, kali pačuła, za hałavu schapiłasia. Zastajecca spadziavacca, što heta plotki.???????????
***
Heta pradukt razumovaj dziejnaści žyvioliny sivaya_kobyla.ru . Ci nie praściej spytacca ŭ samoha čałavieka, što jon dumaje, i pahladzieć, što robić, a nie pierakazvać nieviadoma kim i dla čaho zapuščanyja plotki?
Padabajecca, što hazeta ŭ asnoŭnym hruntujecca na nacyjanalna-demakratyčnych, niezaležnickich kaštoŭnaściach. Nie padabajecca, što časam jana papuskajecca da ŭdziełu ŭ “scenarach”. Prykład – publikacyja z žaŭtlavym nazovam “BNF kaža Milinkieviču “byvaj”, aŭtar jakoj ani nia byŭ na našym Sojmie, ani navat nie parazmaŭlaŭ ź jaho ŭdzielnikami. Daviałosia tracić čas na tłumačeńni.
Voś zaraz ja ŭspaminaju hety dzień hod tamu, ja chadziŭ j raśkidvaŭ hazety ci ŭlotki ci šče štoś.. i vieryŭ u pieramohu... a zaraz što my robim???
Siabra Rady Moładzi BNF
***
I ciapier, i zaŭsiody treba šukać parazumieńnia. Ciapierašnija kanflikty vyhodnyja tolki Łukašenku j Maskvie. Usie tyja, chto pačynaje raskoły ci paddajecca na raskolnickija pravakacyi, abjektyŭna pracujuć na ich. Jak tolki my raźbiahajemsia, my pierastajem być subjektam (čyńnikam) biełaruskaje palityki. Tamu ja źviarnuŭsia da ŭsich kalehaŭ pa Abjadnanych demakratyčnych siłach z prajektam pahadnieńnia “Kampramis dziela adzinstva”.
***
Ja pieradam Vašuju prośbu redakcyi.
***
Kaliści adkryjucca archiŭnyja spraty, i stanie viadoma, chto nasamreč byli lalkami ŭ rukach lalkavodaŭ. Dziakuj Bohu, što ŭ 1999 hodzie nam udałosia nie dapuścić, zdavałasia, niepaźbiežnaj marhinalizacyi Narodnaha Frontu. Biez falšyvaj ścipłaści liču, što siońnia biez BNF, jak najbolš surjoznaj palityčnaj siły, niemahčymaja nijakaja vynikovaja palityčnaja kampanija. I niezdarma ciaham hadoŭ mnohija prahnuli vykarystać Front, jaho struktury j jaho kadry dla ŭłasnych palityčnych prajektaŭ, bo razumieli jaho patencyjał.
***
Hł. papiaredniaje.
***
Umieju (i navat lublu, ale času niama). Siarod specyjalitetaŭ – harbuz (smažany kubikami ŭ muce z časnykom), sup-piure, piečany.
***
Nie patanuła. Nieŭzabavie vyjdzie čarhovy numar. Na pytańnie ŭ styli dopytu adkazvaju, što ŭdzielničaŭ u pošuku novaha jurydyčnaha adrasu, dyj srodkaŭ taksama, bieź jakich časopisy nie žyvuć. U “chadeckim” numary byli biełaruskija j niamieckija materyjały.
A tiepieŕ pokritikuju. Vy takoje žie puhało kak i Lebied́ko! Vy razvalili BNF "Adradžeńnie".
Vy nie žiełajetie ujti v prošłoje?
***
Dziakuju za spačuvańni.
Dziakuju za hłybokuju, kanstruktyŭnuju krytyku. Reč u tym, što ŭ dziacinstvie ja čytaŭ Vołkava – pra Smarahdavy horad. Vobraz sałamianaha pudziła Strašyły Mudraha mianie ŭsiaho hłyboka pieraaraŭ i ja vyrašyŭ uziać jaho za ŭzor.
Admoŭny imidž Frontu: jak heta źmianić?
***
Byli šancy paviarnuć koła historyi niezvarotna. Ale byli i abjektyŭnyja pieraškody, i subjektyŭnyja čyńniki. U 1991 treba było pryvabić na svoj bok chacia b častku specyjalistaŭ z uradu. U 1992, kali prymali rašeńnie pra referedum, za jaki my sabrali amal paŭmiljonu podpisaŭ, treba było nie spadziavacca tolki na VS, ale surjozna arhanizoŭvać vulicu. Ale było hałavakružeńnie ad pośpiechaŭ.
Vobraz Frontu treba stvarać štodzionnaj pracaj i dla moładzi, i dla navukoŭcaŭ, i dla inšaj biudžetnaj intelihiencyi, dla pradprymalnikaŭ, enerhietykaŭ... Dla viernikaŭ. Front jak sučasnaja palityčnaja siła viedaje pra ichnyja kłopaty, baronić ich, prapanuje alternatyvu ŭ vyhladzie niezaležnaj eŭrapiejskaj Biełarusi.
Byli šancy paviarnuć koła historyi niezvarotna. Ale byli i abjektyŭnyja pieraškody, i subjektyŭnyja čyńniki. U 1991 treba było pryvabić na svoj bok chacia b častku specyjalistaŭ z uradu. U 1992, kali prymali rašeńnie pra referedum, za jaki my sabrali amal paŭmiljonu podpisaŭ, treba było nie spadziavacca tolki na VS, ale surjozna arhanizoŭvać vulicu. Ale było hałavakružeńnie ad pośpiechaŭ.
Vobraz Frontu treba stvarać štodzionnaj pracaj i dla moładzi, i dla navukoŭcaŭ, i dla inšaj biudžetnaj intelihiencyi, dla pradprymalnikaŭ, enerhietykaŭ... Dla viernikaŭ. Front jak sučasnaja palityčnaja siła viedaje pra ichnyja kłopaty, baronić ich, prapanuje alternatyvu ŭ vyhladzie niezaležnaj eŭrapiejskaj Biełarusi.
Ja sam biełorus, živu v Minskie, studient. Ja ponimaju biełorusskij jazyk i cieniu jeho, no hovoriť mnie udobnieje i lehčie na russkom. Nie słučitsia li tak, čto partija BNF načniet provodiť politiku prinuditielnoho pieriechoda na biełorusskij jazyk?
Na moj vzhlad eto nie sovsiem pravilno.
***
Siońniašniaje farmalnaje “dvumoŭje” pryviało da taho, što my, biełaruskamoŭnyja, biaspraŭnyja va ŭłasnaj krainie. U maim “Savieckim” rajonie adzinaja biełaruskamoŭnaja – 23-ja himnazija na pł. Jakuba Kołasa, a žyviem my ŭ Zialonym Łuzie. 9-hadovaja małodšaja dačka štodnia jeździć tudy j nazad na tramvai. Starejšaja dačka vozić unuka praz uvieś horad u adzinyja biełaruskamoŭnyja jaśli na Arłoŭskaj. Heta narmalna?
Nia treba pieraśledavać rasiejskuju movu. Treba spryjać movie biełaruskaj. Dla hetaha jość pravieranyja časam i ŭsiaśvietnym dośviedam metady j padychody, u t.ł. “pazytyŭnaja dyskryminacyja”. U varunkach blizkaści j uzajemazrazumiełaści movaŭ (jak u nas biełaruskaj i rasiejskaj) zamacavać i zrabić nieparušnymi pazycyi biełaruskaj movy, jak viakami pieraśledvanaj, možna tolki viarnuŭšy joj status adzinaj dziaržaŭnaj. Heta – nieparušnaje prahramnaje pałažeńnie BNF. Nichto nikoha nia moža “prinudiť”, ale dziaržaŭny słužboviec abaviazany vałodać biełaruskaj movaj. Inakš jak jon zabiaśpiečyć zakonnaje prava biełaruskamoŭnych hramadzianaŭ na adkaz pa-biełarusku? Toje samaje tyčycca vykładčykaŭ, jurystaŭ, vajskoŭcaŭ, daktaroŭ i h.d. Pierachod treba rabić pastupova, tak, jak heta i adbyvałasia – spakojna, bieskanfliktna – da prychodu Łukašenki. A jon adnaviŭ na roŭnym miescy moŭny kanflikt.
U dziacinstvie maimi ŭlubionymi byli nie mastackija, a navukova-papularnyja teksty. Kali baćki chacieli mianie šaścihadovaha suniać, jany vydavali mnie Lva Uśpienskaha “Słovo o słovach. Ty i tvoje imia” pra movaznaŭstva. Paźniej, u školnym junactvie, chacia čytaŭ vielmi šmat, nie mahu skazać, što byŭ uražany peŭnym mastackim tekstam. Aha, Stanisłava Lema z zachapleńniem pieračytaŭ amal usiaho j pa šmat razoŭ (pa-polsku možna było kupić u kniharni “Družba”).
Školnikam i pieršakurśnikam pa pazyčanym (u starejšaha na dva hady Siarhieja Dubaŭca) čytackim bilecie chadziŭ u tady Leninskuju biblijateku, dzie prahna čytaŭ movaznaŭstva, biełaruskuju historyju, napaŭzabaronienyja “Kazku pra trojku” Struhackich, “Sobor” Hančara. Ź pieršaha kursu staŭ jeździć u Vilniu, dzie śv. p. Nina Laškovič pacichu puskała biełarusaŭ u specadździeł biblijateki Akademii navuk, i adkryŭ dla siabie našaniŭskuju j mižvajennuju biełaruskuju litaraturu (Łastoŭskaha, Abdzirałoviča, Hareckaha, Žyłku, zabaronienyja teksty Kupały) i peryjodyku. Darečy, heta sfarmavała moj moŭny śvietahlad najbolš.
***
Tak, kali viazuć. Nia maju mašyny j pravoŭ. Kaliści treba ŭziacca.
***
Jak staršynia arhkamitetu Dnia Niezaležnaści planuju vieści śviatočny mitynh. Ale jość varyjanty: mahu taksama jeści bałandu na Akreścina.
***
Hł. vyšej.
***
Voś kali spynim, tady j sapraŭdy ŭsio moža być namarna. Spynim my, nia spyniać inšyja. Ujaŭnaja stabilnaść i moc režymu ciapier moža abiarnucca jaho raspadam chutčej, čym zdajecca. Kali my nia budziem napahatovie, nia budziem u palityčnym poli, hety raspad pryviadzie da kiepskich nastupstvaŭ dla niezaležnaści j biełaruščyny.
***
Jana pajšła baćkavym śledam: ekanamist, universytecki prafesar.
. Jak vy stavicieś da "dnia nacionalnoho jedinstva" jak nazvaŭ sp. Milinkievič toj fars, ŭ jaki jon namahajecca pieraŭtvaryć Dzień Niezaležnaści? Na moj pohlad heta zdrada. Zdrada rodnaj krainie, zdrada idejam svabody i demakratyi.
Jak vy stavicieś da biełaruskaj łacinki? Jaki varyjant napisańnia na vaš pohlad pavinien być u volnaj Biełarusi, ŭžo biez Łukašenka?
Haradzienskija frontaŭcy źbirajucca ŭ Miensk, ale niešta ładziać haradzienskija pradprymalniki.
Ja vykłaŭ svaju pazycyju nakont “novych” nazovaŭ dnia 25 Sakavika na pbnf.org. Heta Dzień Niezaležnaści.
Staŭlusia stanoŭča, jak da adnaje ź dźviuch asnoŭnych hrafičnych systemaŭ biełaruskaje movy. Aktualnaść łacinki mocna ŭzrasła apošnimi hadami: łacinkavyja zapisy imionaŭ u pašpartoch; elektronnaje j telefonnaje listavańnie; mižnarodnyja standarty tranślitaracyi taponimaŭ i biblijahrafii i h.d. My ŭ vyhadniejšaj pazycyi za rasiejcaŭ i ŭkraincaŭ: majem svaju pryrodnuju j dastatkova ŭparadkavanuju łacinku j nia musim vydumlać štučnych systemaŭ tranślitaracyi. Miarkuju, u budučyni, jak ciapier serby, kožny biełarus budzie adnolkava volna vałodać abiedźviuma hrafikami.
Pra heta kazali i navukoŭcy, i kiraŭniki ministerstvaŭ. Skažycie, čamu Vy raniej heta nie ahučvali? Nu chacia b, kab razburyć vobraz "namenklaturnaha malčika", jaki tak addana i dahetul stvarajuć Vam "niezaležnyja" žurnalisty, u t.ł. ulubiony aŭtar NN niepataplalny Fiaduta.
***
Dziakuju za dobryja słovy pra baćku. Jon byŭ surjoznym ekanamistam. Raniejšaj systemie byli patrebnyja nia tolki karjernyja chłopcy-kamsamolcy-zampality, ale prafesijanały: ekanamisty, menedžery. Inakš dziaržava b nia vyžyła j narod pamior by z haładuchi. Z nadychodam niezaležnaści baćka niby druhoje dychańnie nabyŭ, bo nabližaŭ jaje, rychtujučy kancepcyju rynkavych reformaŭ i “respublikanskaha haspadarčaha raźliku”, jak tady eŭfemistyčna nazyvali ekanamičny suverenitet.
A namenklaturnyja malčyki nia jšli ŭ biełaruščynu. Jany pajšli ŭ kamsamolskija biznesy, u specsłužby, u administracyju prezydenta.
Mianie voś taki momant zacikaviŭ:
"Kalakin paprasiŭ dziesiać chvilin, kab parazmaŭlać ź lideram Partyi BNF Vincukom Viačorkam... Vincuk Viačorka byŭ adzinym, chto prahałasavaŭ za dva prajekty."
Skažycie, kali łaska, što ž vam takoje paabiacaŭ Kalakin za toje, kab vy i za jaho prapanovu prahałasavali?
***
U abiedźviuch prapanovach, jakija nia jość mižsobku antahanistyčnyja, biarecca za asnovu moj “Kampramis dziela adzinstva”. Ale da Milinkievičavaj prapanovy ja dadaŭ krajni termin pracy pahadnialnaj kamisii, a da Kalakinavaj – varunak: Kanhres adbudziecca tolki pry ŭmovie zhody na pahadnialnaj kamisii dy papiaredniaha padpisańnia ŭsich vyniesienych na Kanhres rašeńniaŭ subjektami Palityčnaje rady Abjadnanych demakratyčnych siłaŭ. Mnie nia važny termin, važnaja papiaredniaja zhoda asnoŭnych siłaŭ. Škada, što ŭ “NN” źjaviłasia tolki “futbolnaja” navina pra “8:4”, a nie było tłumačeńnia, chto što prapanoŭvaŭ. Škada, što niekatoryja kalehi pa kaalicyi myślać čorna-bieła.
2. Jakimi slovami Viačorka-palityk zaspakojvaje Viačorku-filioliaga?
3. Ci nia liepš pieraraźmierkavać sily z palityčnaha (źniešnie bieznadziejnaha) frontu na front kuľturnicki, uladkoŭvać svaju bielaruščynu, u jakoj nam žyć tut i ciapier? Bo na dva franty silaŭ vidavočna nie staje. A palityka nie daje plionu.
dziakuj
***
U łacincy treba zachoŭvać tradycyju. Nikoli nie było napisańniaŭ kliasyčny, a tolki klasyčny. Hramatyku zrobim za paru hadoŭ. Sam ja pacichu zajmajusia prablemaju poŭnych/skaročanych kančatkaŭ.
Čytaj milicejski pratakoł pra majo zatrymańnie ad 14 sakavika.
Hł. papiaredni adkaz na tuju samuju temu.
Vo vriemia "pałatatočnoho horodka" Franak zvonit domoj i hovorit "nu ŭsio, kładziciesia spać". Vy v to vriemia byli v tiuŕmie. eto poniatno. chotia jesť somnienija, čto Vy nie sami tuda poprosiliś.
a vot Vaša supruha, pošła domoj spať. Pardon, Vy žie lidier oppozicii prizyvajetie ludiej idti na mitinh, a Vaša siemja v eto vriemia v tieple śpit?
To žie samoje po Milinkieviču, kotoryj strusił otsťsia v "pałatočnom horodkie" v noč jeho razhona. On dažie strusił vziať na siebia vsiakuju otviestviennosť.
Kak Vy eto prokommientirujetie. Tolko nie nužno, pisať standartnyje frazy, čto ja "zasłannyj ahient KHB". Ja vsie dni był na płoŝadi, i mnie było stydno i bolno, čto naši lidiery oppozicii i ich siemji vieli siebia kak "bieriemiennyje žienŝiny".
Iźvinitie jeśli oskorbił. Prosto nadojeło Vašie postojannoje "biezdiejstvije" i nieskončajemyje sieminary.
***
Film nie hladzieŭ, ale, jak i naležyć, asudžaju. Hetaksama jak asudžaju toje, što siadzieŭ na Akreścina, kudy, jasna, paprasiŭsia (ja ž tudy rehularna prašusia, zajavy pišu), a adtul hałubinaj poštaj zaklikaŭ ludziej iści na mitynh. Asudžaju svaju siamju za toje, što jana ŭ poŭnym składzie (žonka, troje dziaciej, ziać i ŭnuk, a taksama maje staryja baćka j maci) była na płoščy tolki peryjadyčna.
Kali ž surjozna, to, spadar Pietruškievič, namieśnik načalnika HUUS Najdzienka, pabačyŭšy mianie schoplenaha 8 sakavika ŭ Frunzienskim RUUS (kudy nas šaścioch, što supravadžali hukavuju aparaturu, pryvieźli z Maskoŭskaha, kab zabłytać mahčymyja pošuki), złaradna vyhuknuŭ: “Narešcie ty mnie papaŭsia!” I asabista pavaročvaŭ mianie tvaram da ściany, z maciukami j šturchačami. Tak što ja, na žal, nia zmoh być na płoščy, zaklikać, arhanizoŭvać. Hanarusia, što na joj “za mianie” pabyvali – chto zmoh bolš, chto mienš – usie čalcy majoj siamji. Spadziajusia, Vaša siamja tam była taksama.
Adčuvaju, što Vam balić za našuju ahulnuju spravu. Tamu nie zvažaju na ton i prydumki. Nakont biaździejańnia niekatorych – mnie jano abrydła taksama. Dziakuj Vam, što zamiest tych, chto nia zmoh, stajali na płoščy. Ale siońnia treba štodzionnaja praca, i tut biaz Vas taksama nie abyścisia.
Maje spačuvańni nakont taty! Vielmi cudoŭny byŭ čałaviek!
U mienie pytańnie!
U pačatku studzieńnia ŭ Internecie sustreŭ fotazdymak na jakim Milinkievič, Kalakin dy Labiedźka prymajuć udzieł u kursach pa vyvučeńni pracy z Žyvymi Dzieńnikami (livejournal.com)! Kursy byli ŭ Varšavie, było vielmi śmiešna na ich hladzieć. Čamu Vas tam nie było?
Pa statystycy žyvyja dzieńniki mnohich viadomych ludziej naviedvajuć ludziej bolej, čym, naprykład, sajt partyii BNF. Voś deputata Dziarždumy Ałkśnisa čytajuś bolej čym 5 tysiač čałavak štodnia. A jeść rasiejskija dzieńniki pa 100 tysiač naviedvalnikaŭ u sutki. Mnoha ŭkrainskich palitykaŭ pačali vieści dzieńniki.
Ja liču, što treba być mužnym palitykam kab advažycca na taki krok. Bo Vas mohuć abłajać, vykazać usio što pra Vas dumajuć.
Siarod biełaruskich palitykaŭ tolki viadomy akademik Alaksandr Vajtovič nie spužaŭsia. što jaho abłajuć. Jaho pryniali davoli vietliva. Navat kali i nie jon viadzie svaje zapisy, ale dumki ŭsie jahonyja. Jaho štodnia čytajuć niekalki sot čałaviek. Jak kaliści pra jaho skazaŭ hienierał Frałoŭ, jon kali nie viedaŭ Vajtoviča dyk dumaŭ, što jon (Frałoŭ) samy razumniejšy, ale kali paznajomiŭsia ź im, dyk pa jaho słovach pa mocy, dypłamatyčnaści, talenavitaści i adukavanaści Vajtoviču ŭ biełaruskaj palitycy niama roŭnych.
Dyk pytańnie. Jość mierkavańnie, što biełaruskija apazicyjnyja palityki nie stolki nie majuć času na žyvyja dzieńniki, koli nia zdolejuć vytrymać krytyku ŭ svoj bok. Ci navat im niama čaho kazać ludziam. Ci nie tak heta na samoj spravie? Ci viedaje spadar Vinčuk što takoje Žyvy Dzieńnik? Ci nie majecie Vy namier zavieści svoj Žyvy dziońnik? Kali tak, to kali?
Dziakuj za adkazy!
Pośpiechaŭ Vam!
***
Čaho-čaho, a krytyki mnie chapała zaŭsiody. Kanstruktyŭnaj i nia vielmi.
Rašeńnie-daručeńnie mnie stvaryć LJ navat zapisanaje ŭ kancepcyi infarmacyjnaj palityki BNF. Ja adkazny čałaviek, i kali ŭžo pačnu, mušu rehularna pracavać. Nia moža być tak, što stvaryŭ, a pišu raz u miesiac. Ale ž ja žyvu nie ŭ virtualnaj, a ŭ realnaj prastory, sumoŭlusia z žyvymi ludźmi “u reale”, i času praktyčna niama. Dyj kamputarny narod, IMHO, adukavany, maje davoli infarmacyi dy ŭsio razumieje biaz blogaŭ. Ale dziakuju za nastojlivaść, mo' j pačnu.
Vy pravilno diełajetie, čto śmieŝajetie Milinkieviča. On nie v sostojanii byť lidierom oppozicii. Jeho vojaži na Zapad ničieho Biełarusi nie dali. Polskij variant dla Biełarusi nie prochodnoj. Poddieržka Vami Sierhieja Kalakina eto očień pravilnyj chod. Vied́ staťja pro Sierhieja Kariakina pojaviłaś nie prosto tak. Poetomu, prodołžajtie poddierživať Sierhieja Kalakina.
Kak Vy dumajetie za skolko miesiaciev možno raskrutiť Kalakina?
***
Dezynfarmacyja. Ja nikoha nie źmiaščaju j nie rablu “pravilnych chodov”, za jakija pravakatar mianie pachvalić.
Historyk-amatar, nie chłuście, kali łaska ! Ni ŭ adnym numary niama majho proźvišča navat jak nam. redaktara. Mienavita tamu, što VV ličyŭ, što nie daciahvaju. Dyk davajcie pytacca ŭ tych, chto nasamreč adkazny. Tym bolš - redaktary ŭ Spadčynu prychodziać i sychodziać, a "zam" - viečny i niaźmienny. Patomnaja kamsamolskaja vyvučka.
***
Spadar Bieły pryncypova suprać taraškievicy. Tamu ŭ nas byvali nieparazumieńni. Ale faktyčna Aleś zrabiŭ niekalki numaroŭ, za što jamu naležyć padziaka. A złosnuju repliku prapuskaju mima vušej i daruju, bo nia viedaje, što kaža.
***
Adzinstva patrebnaje, kab nas – demakratyčnyja siły – usprymali jak subjekt palityki. Kali dla źbieražeńnia ci adnaŭleńnia adzinstva patrebny kanhres, niachaj budzie. Ale z papiarednimi damovami.
***
Pa-biełarusku ŭsio karysna.
***
Planuju.
čiem Vy tohda zajmietieś?
na kakoj post v Svobodnoj stranie budietie prietiendovať?
Spačatku treba vykanać punkt 1.
Kali Windows, dyk ci licenzijny j dzie Vy jaho nabyli?
Kali Linux, dyk jaki mienavita?
Dziakuj za adkaz.
***
Windows, jaki byŭ ustalavany adrazu.
***
Z apazycyjaŭ znajomy z V.Łandsberhisam i A.Kubilusam, E.Repše, Isom Hambaram, Levanam Berdzenišvili, Iŭlijanam Chajndrava, Mikitam Białych, Uładzimiram Ryžkovym – šmat z kim.
Ci padabajucca Vam pradukty ad Navinki Home Video?
***
Čytaŭ kaliści pieršyja vypuski. Jak na mianie – dobra, što pa-biełarusku, ale zanadta hruba. Filmy “Słučaj z pacanom” i asabliva “Hud baj, baćka” - dobryja.
***
Była dobraja adsidka ŭ sakaviku letaś: 16 čałaviek u ciesnaj kamery, ale ŭsie svaje. Hutarki, sprečki, knihi. Sa zvyčajnymi “klijentami” padtrymlivaju narmalnyja adnosiny, ale nie zachaplajusia doŭhimi razmovami j hulniami (akramia kryžavanak). Pracuju ja tam. Pravapis, hramatyka, pierakład ź litoŭskaj “Nacyjanalnaha ŭzhadavańnia” Antanasa Maciajny. Tolki što vočy psujucca ad braku śviatła.
***
nie
Ci nie planujecie napisać knihu uspaminaŭ?
***
Uspaminy potym. Pracavać treba. Vašaje pytańnie nasamreč hlabalnaje, tut miesca j času nia chopić. Peryjad 70-80-ch u Biełarusi vielmi cikavy j svojeasablivy ŭ paraŭnańni ź inšymi krainami. Litaraturu mižvajennuju zdabyvali ź Vilni, ad Maračkina (jaki znachodziŭ jaje na starych haryščach). Pieradrukoŭvali na mašynkach, fotasposabam. Dachodziła i emihracyjnaja. Ja rabiŭ kanspekty pieradačaŭ biełaruskaje “Svabody” (Arsień Zahorny=Jan Zaprudnik, Jazep Barejka). Da kanśpiracyi stavilisia vielmi surjozna; škada, što hetyja navyki patrebnyja i novamu pakaleńniu. Słuchali rok (a ja – jašče i džaz).
***
Ja padtrymlivaju parazumieńnie. Hł. moj tekst “Kampramis dziela adzinstva” na pbnf.org. Chadžu na pasiedžańni lehitymnych orhanaŭ kaalicyi.
Vy priezirajetie hiejev?
***
Ja nikoha nie “prieziraju”. U prahramie Partyi BNF hetyja mianšyni nie vyłučajucca ŭ asobnuju elektaralnuju hrupu.
Včiera vidieł vas užie v usad́bie, no tak i nie riešiłsia podojti. A Franka niebyło. Vopros, viernieje, dažie priedłožienije, takoj:
Vied́ 25 marta - eto piervo-napiervo prazdnik. Značit nado kak-minimum - prazdnovať.
I biez muzyki - nu nikak. A počiemu by nie sdiełať istočnik sihnała (fm-pieriedatčik), nastroiť na opriedielennuju vołnu.
A ludiej prihłašať na płoŝad́ s prijemnikami(maleńkimi, bolšimi, tielefonami - kto kak smožiet).
V 11.45 naprimier vsie načinajut nastraivaťsia na opriedielennuju vołnu, i vklučajut hromčie zvuk. połučajetsia čto-to tipa koncierta, i so vsiech storon.
Vy žie v svoju očieried́ puskajetie "našu" muzyku v efir.
Budiet:
a) krasivo.
b) viesieło.
v) krieativno.
h) nieožidanno.
+ s muzykoj- to nikakoj "boj" nie strašien. ))).
Ždu otviet.
Spasibo.
***
Dziakuj za idei. Zachodźcie, pahavorym.
***
Dziakuj, Siaržuk.
Ci planujucca jakija-kolečy sustrečy ź ludźmi ?
***
Hł. vyšej
***
Nad Narodnym Frontam u 1999 navisła niebiaśpieka sektanctva j marhinalizacyi, da čaho niepaźbiežna pryvodzić samaŭpeŭnienaść: my, maŭlaŭ, iścina ŭ apošniaj instancyi. Siońnia KCHP publična vyjaŭlaje siabie pieravažna jak kulturna-histaryčnaja arhanizacyja, nie jak palityčnaja (kali razumieć palityku jak pracu z hramadztvam). Na hetaj hlebie pamiž nami mahčymaja supraca.
***
Vielmi lubić małoha Danika. I Danik jaho.
Jość rašeńnie Arhkamitetu damahacca centru horadu.
***
Tolki stvaralnaja siła moža pieramahčy ŭ hałovach mnohich ludziej dziela dabra, a nie razburalnaja. Spadziajusia, usie ŭdzielniki demakratyčnaj kaalicyi z hetym zhodnyja.
***
Bolš važna siońnia mieć lehitymnuju kamandu dla pieramovaŭ.
skažycie, navašta vy trymajecie ŭ vašaj partyi Alesia Michaleviča? Ja ź im raniej pracavaŭ, i skažu, što jon niebiaśpiečny čałaviek .. i padstaŭlaje imidž BNF. vy ŭvohule pra heta viedajecie?
***
Unutryfrontaŭskija spravy budziem vyrašać sami.
***
Kali Vy pra toje, nakolki ja adarvaŭsia ad ziamli, dyk nie nastolki, kab nia viedać, što ahranom – specyjalist pa raślinach, a nie pa karovach. Bačyŭ uvosień na Cniancy. Sioleta jašče nia vyhnali. Balšynia maich rodnych žyvie ŭ Stolinskim rajonie. Sała adtul.
***
Nie zapomniłasia. Lublu zvyčajnyja. Bulba, sała, jaječnia, ahurok. Nu i harbuz u sezon.
***
Hł. vyšej.
***
Rvać na suvenirnyja kavałki jaje nia buduć. Budzie ŭ muzei visieć.
***
Dzień Niezaležnaści 25 Sakavika – heta našaje hałoŭnaje nacyjanalnaje (u budučyni – hałoŭnaje dziaržaŭnaje) śviata, jakoje nam nie dajuć narmalna śviatkavać.
***
Niama ŭ mianie ź im kantaktu, nie z majoj viny. Zianon Paźniak zrabiŭ vielmi šmat, kab Biełaruś stała niezaležnaj. Jahonaje imia ŭžo ŭvajšło ŭ historyju.
Vykazvaju ščyryja spačuvańni z-za śmierci Vašaha baćki!
Majo pytańnie tyčycca dalikatnaj temy - nastupnaha źjezdu BNF. Ja viedaju, što na staršyniu budzie pretendavać Aleś Michalevič. Ja ščyra nie daviaraju hetamu čałavieku, tamu što sam byŭ siabram ZBS, jakim kiravaŭ u svoj čas Michalevič, i baču, što jon zrabiŭ ź niekali mocnaj arhanizacyjaj, tamu što dzialiŭ usich na "svaich",, h. zn. tych, chto jaho biazdumna pa lubym pytańni padtrymlivaŭ, i "čužych". Jaho nielha niedaaceńvać, bo ludzi nieadrazu razumiejuć, što jon za čałaviek, a paśla budzie pozna. Ja ciapier nia siabra BNF, ale padtrymlivaju Vašuju partyju i Vas, i chaču zapytać, što ja mahu zrabić, kab umacavać BNF i niedapuścić Michaleviča.
Dziakuj za Vaš adkaz! I napišycie, kali heta mahčyma, adras Vašaj elektronnaj pošty. Dziakuj! Pośpiechaŭ Vam!
Žyvie Biełaruś!
***
Dziakuj za spačuvańni.
Ja za demakratyju sapraŭdnuju, a nie falšyvuju, za spabornyja vybary ŭsiudy. Ja suprać kuluarnych hulniaŭ, ja za toje, kab ludzi vybirali lideraŭ vidušča: pavodle ichnych pazycyjaŭ, stratehičnaha bačańnia, učynkaŭ, asabovaści. Škada, što Vy nia siabra Partyi BNF. Unutrypartyjnyja pytańni vyrašajucca na partyjnaj dyskusii.
Moj adras [email protected]
Ci źbirajeciesia pierahladzieć zaraz stasunki z Z.Paźniakom?
***
Nie adčuvaju. I nie raskoł, ale abnaŭleńnie. Čamu – užo nieadnakroć adkazvaŭ.
Jakimi movami Vy vałodajecie? Jakaja Vašaja metodyka pa zasvojvańniu novych moŭ?
Dziakuj!
***
Usie susiednija (łatyskaja pasiŭna), usie słavianskija ŭ roznaj stupieni, anhielskaja, inšyja vialikija zachodnija pasiŭna, łacinskaja, krychu esperanta. Marna braŭsia za valijskuju, estonskuju. Niama asablivaj metodyki. Paralelna vuču vymaŭleńnie j hramatyku, čytaju, słuchaju radyjo, lezu ŭ słoŭnik. (Heta ŭsio ŭ prošłym časie, bo jaho – času – ciapier niama. Vučeciesia zamałada!) A na słavianskich biarycie j čytajcie.
jaki vaš lubimy film.
***
Muzyka: Raniej słuchaŭ vielmi šmat - amal jak prafesijny krytyk - džazu. Ciapier mienš. Na maim mp3-plejery ciapier staryja albomy Pink Floyd, "Naši Partizani" i "Krama". Lublu j źbiraju etničnuju muzyku roznych narodaŭ.
Kino: Liču najlepšym biełaruskim filmam i lublu pierahladać "Čužuju Baćkaŭščynu" Rybarava pavodle Adamčyka. Nie prapuskaju P.Hrynŭeja.
A jakija kirunki raźvićcia našaje navuki BNF ličyć pryjarytietnymi, mienavita da jakich mižnarodnych prahramaŭ planuje dałučycca ŭ pieršuju čarhu?
***
Specyjalisty vyrašać. Skažu karotka. (Akramia humanistyki, žyćciova nieabchodnaj dla źbieražeńnia nacyi). Tradycyjna ŭ nas była mocnaja fizyčnaja i matematyčnaja škoła, treba źbierahać. Moža mocnyja navukoŭcy tady viernucca.
Prykładam, eŭraźviazaŭskaja prahrama Science Cities moža być cikavaj nam tamu, što jana ŭviazvaje raźvićcio navuki z sacyjalna-ŭrbanistyčnymi perspektyvami.
***
Šanoŭnyja aŭtary pytańniaŭ, usim dziakuj. Kožnaje pytańnie, a taksama ich tematyčnyja praporcyi dajuć hrunt dla razvahaŭ. I vialikaja padziaka “Našaj Nivie”, jakaja siońnia słužyć usiebiełaruskim forumam.
❏
Vincuk Viačorka naradziŭsia 7 lipienia 1961 h. U 1983 h. skončyŭ filalahičny fakultet BDU, u 1986 h. aśpiranturu pry Instytucie movaznaŭstva Akademii navuk. Z 1986 vykładaŭ u Mienskim dziaržaŭnym pedahahičnym instytucie (ciapier Biełaruski dziaržaŭny pedahahičny ŭniversytet). Z 1990 h. pracavaŭ vykładčykam u Biełaruskim humanitarnym licei, byŭ namieśnikam hałoŭnaha redaktara časopisu «Spadčyna».
Byŭ adnym z zasnavalnikaŭ «Majstroŭni» (1979‑1984 ), inicyjataraŭ stvareńnia «Tałaki» (1986‑1989), z kastryčnika 1988 byŭ siabram Arhkamitetu Biełaruskaha Narodnaha Frontu za pierabudovu «Adradžeńnie». Z 1999 h. – staršynia Partyi BNF.
Daskanała vałodaje mnohimi zamiežnymi movami.
Žanaty, maje troje dziaciej. Jahony syn Franak Viačorka ŭžo j sam aktyŭna ŭdzielničaje ŭ palityčnaj i kulturnaj dziejnaści.
Adzin l lideraŭ i stratehaŭ nacyjanalna-demakratyčnaj apazycyi. Byŭ namieśnikam kiraŭnika štaba Milinkieviča ŭ časie vybaraŭ. Nia raz aryštoŭvaŭsia, adsiedzieŭ doŭhi čas na Akreścina.
Uznačalvaje Arhkamitet pa śviatkavańni Dnia Voli' 2007.
jops