U prahramie Kanskaha kinakirmaša na 22 i 23 maja zapłanavana premjera filma Kšyštafa Łukaševiča «Viva Bel@rus» (imaviernaja nazva dla prakatu na radzimie budzie: «Žyvie Bieł@ruś»).
Pratatypam hałoŭnaha hieroja filma, šum vakoł jakoha ŭźniaŭsia šče ŭ časie zdymak, staŭ małady biełaruski apazicyjanier Franak Viačorka, a ŭ asnovu scenara loh jahony vajskovy dziońnik. Franak dapamahaŭ i ŭ arhanizacyi zdymak.
Amal adrazu na sajcie «Budźma» źjaviŭsia frahmient rańniaha scenara, jaki musiŭ nazyvacca «Miron. Žyvie Biełaruś». Pavodle hetaha frahmienta možna mierkavać, što hałoŭnaha hieroja, rok-muzyku, jaki vyrašaje zaniacca palitykaj i praz heta traplaje ŭ vojska, kličuć Miron Zacharka. Ubačyć tyja frahmienty možna tut.
Aŭtary pazicyjanujuć film jak pieršy biełaruskamoŭny ŭ historyi Kanskaha fiestyvalu. Viadoma, što hałoŭnuju rolu ŭ filmie vykonvaje biełaruski repier Vinsent (Źmicier Papko), a hałoŭnuju žanočuju rolu atrymała viadomaja polskaja aktorka Karalina Hruška. Režysior Kšyštaf Łukaševič staŭ viadomy, u pryvatnaści, pracaj nad niadaŭnim filmam «Varšaŭskaja bitva», jaki karystaŭsia vialikim pośpiecham u hledačoŭ, ale atrymaŭ nieadnaznačyja recenzii.
Biudžet filma składaje 1,9 miljonaŭ dalaraŭ, častku finansavańnia nadaŭ francuzski Canal+, ale asnoŭnyja srodki daŭ polski ŭrad.
* * *
Film u Kanach pakažuć dvojčy: 22 maja ŭ kino RIVIERA 4 a 13:30, 23 maja — u PALAIS B a 11:30.
