Sioleta Biełaruś pavinna vypłacić 3 młrd dalaraŭ pa pazykach 3

Aficyjnyja reziervovyja aktyvy i inšyja aktyvy Biełarusi ŭ zamiežnaj valucie za studzień-krasavik 2012 hoda vyraśli na 8,4% i na 1 maja dasiahnuli $11,54 młrd., paviedamili ŭ Nacyjanalnym banku.

U struktury invalutnych aktyvaŭ Biełarusi aficyjnyja reziervovyja aktyvy na 1 maja skłali $7,975 młrd., pavialičyŭšysia za studzień-krasavik na 0,7 pracenta. Inšyja aktyvy ŭ zamiežnaj valucie i zołacie, nie ŭklučanyja ŭ skład reziervaŭ (u bankach z rejtynham nižejšym za ŭzrovień «A» pa rejtynhavaj škale mižnarodnych rejtynhavych ahienctvaŭ Fitch Ratings abo Standard and Poor`s, a taksama «A2» pa rejtynhavaj škale Moody`s Investor Service), z pačatku hoda vyraśli na 30,8% i dasiahnuli na 1 maja $3,56 młrd.

Čakanyja na praciahu hoda traty aficyjnych orhanaŭ (Nacyjanalnaha banka i ŭrada Biełarusi) u zamiežnaj valucie pa stanu na 1 maja 2012 hoda skłali $4,16 młrd.

U tym liku pa pazykach i kaštoŭnych papierach nieabchodna vypłacić $3,16 młrd., vykanańnie abaviazacielstvaŭ pa forvardnych ździełkach zapatrabuje $997,2 młn.

Umoŭnyja abaviazacielstvy Biełarusi ŭ zamiežnaj valucie (u asnoŭnym, vydadzienyja uradam i Nacyjanalnym bankam harantyi) na praciahu 12 miesiacaŭ paśla 1 maja 2012 hoda mohuć zapatrabavać vypłaty $1,43 młrd.

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH