Ministerstva finansaŭ Biełarusi apublikavała spravazdaču pra dziejnaść usich adkrytych akcyjaniernych tavarystvaŭ krainy za 2011 hod. Jana dazvalaje daviedacca pra prybytkovaść ci stratnaść 2250 arhanizacyj krainy. Siarod ich jość i adzinaje akcyjaniernaje tavarystva, jakoje zajmajecca vypuskam haziety.
Havorka viadziecca pra «Narodnuju hazietu». Pa statucie jana źjaŭlajecca AAT, choć kantrolny pakiet i naležyć dziaržavie.Rešta akcyj — u 77 čałaviek z «tvorčaha kalektyvu redakcyi».
U pačatku
U1995-m Alaksandr Łukašenka padpisaŭ ukaz ab źmienie kiraŭnictva «Narodnaj haziety». Z taho času vydańnie faktyčna absłuhoŭvała patreby dziaržaŭnych prapahandystaŭ.
Pavodle letašnich dadzienych, u roźničny prodaž traplaje tolki 7% nakładu, u toj čas jak 93% haziet raspaŭsiudžvajeca pa padpiscy, časam prymusovaj. Pry hetym
nakład «Narodnaj haziety» składaje kala 30 tysiač asobnikaŭ.U vydańni pracuje 74 čałavieki.
Prasočym, jak pracavała vydańnie ŭ kryzisny 2011 hod. U pieršym i druhim kvartale bałans AAT «Narodnaja hazieta» dziŭnym čynam składaŭ roŭna nul rubloŭ. Takaja samaja situacyja nazirałasia ŭ vypadku jašče 12 akcyjaniernych tavarystvaŭ, pieravažna datavanych ź biudžetu, naprykład, miasakambinataŭ.
Straty ad dziejnaści haziety kampiensavalisia za košt «pazarealizacyjnych dachodaŭ», jakija skłali amal 300 miljonaŭ rubloŭ.
U trecim kvartale tajamničaja dapamoha ŭsochła da 15 miljonaŭ rubloŭ i, jak vynik, hazieta stała stratnaj ažno na 333 miljony. Čaćviorty kvartał adznačyŭsia adnaŭleńniem dapamohi. Pazarealizacyjnyja dachody skłali 77 miljonaŭ, tamu i hazieta znoŭ stała prybytkovaj na 66 miljonaŭ. Niahledziačy na takija finansavyja skački, vydańnie spraŭna praciahvała vychodzić, na čytačach kryzis nie adbiŭsia nijak.
Takim čynam,
vynik pracy AAT «Narodnaja hazieta» za 2011 hod skłaŭ minus 267 miljonaŭ rubloŭ. U toj ža čas straty ad realizacyi pradukcyi dasiahnuli 658 miljonaŭ. Heta bolš za $140 tysiač u pieraliku na siaredni kurs Nacbanka.
