Sanitarnaja słužba papiaredžvaje adpačyvalnikaŭ na Naračanskich aziorach ab niebiaśpiecy zaražeńnia cerkaryjozam.Pra heta zajaviŭ
Pavodle jaho słoŭ, zachvorvańnie pieranosiać vadapłaŭnyja ptuški, adnym sa źvionaŭ jaho pieradačy čałavieku źjaŭlajucca maluski. Cerkaryjoz ujaŭlaje saboj alerhičnuju reakcyju: na ciele čałavieka źjaŭlajecca syp, puchiry, jon adčuvaje słabaść, hałavakružeńnie, mahčyma pavyšeńnie tempieratury. Praz 7–10 dzion hetyja simptomy źnikajuć — ličynki ŭ ciele čałavieka hinuć.
Jak zajaviŭ Viedziańkoŭ, pik zachvorvańnia na cerkaryjoz na Naračanskich aziorach prypaŭ na leta 2010 hoda, jakoje było anamalna śpiakotnym. U suviazi z hetym vialikija namahańni byli prykładzieny na praviadzieńnie dobraŭparadkavańnia plažnaj zony, vykošvańnie raślinnaści, u jakoj razmnožvajucca maluski, ačystku ad ich vadajomaŭ. U 2011 hodzie lik zvarotaŭ da ŭračoŭ u suviazi z cerkaryjozam skaraciŭsia bolš jak u dziesiać razoŭ.
Sansłužba raźličvaje, što sioleta budzie jašče mienš paciarpiełych ad cerkaryjozu. «Vyklučyć adzinkavyja vypadki my nie možam, ale masavaha charaktaru zachvorvańnie nasić užo nie budzie», — spadziajecca Viedziańkoŭ.
Kab paźbiehnuć zaražeńnia, nieabchodna admovicca ad prykormlivańnia vadapłaŭnych ptušak u miescach, pryznačanych dla kupańnia. Kupacca varta na śpiecyjalna abstalavanych plažach, dalej ad vialikaj kolkaści račnych maluskaŭ i miescaŭ hniezdavańnia vadapłaŭnych ptušak. U vadzie znachodzicca nie bolš jak 5–10 chvilin. Pa mahčymaści rekamiendujecca vybirać dla kupańnia ŭčastki voziera z hłybinioj bolš za mietr i nie zatrymlivacca na miełkavodździ. Paśla kupańnia ŭ vadajomie treba abaviazkova apałoskvacca vodapravodnaj vadoj, a kali takoj mahčymaści niama, to nasucha abciracca ručnikom.
Jak padkreśliŭ śpiecyjalist, zachvorvańnie prachodzić samo, bieź lačeńnia, tamu ŭ miedycynskuju ŭstanovu varta źviartacca tolki ŭ ciažkich vypadkach, kali da śvierbu dadajecca pavyšeńnie tempieratury i suchi kašal. Samastojna asłabić śvierb možna pry dapamozie mientołavaj i dymiedrołavaj mazi, vjetnamskaha balzamu, pramyvańnia sodavym rastvoram.