Jak paviedamiła «Biełsatu» žonka Pyžyka, siońnia jaho zatrymała polskaja palicyja. Ciaham 3–5 dzion jaho departujuć u Biełaruś.
Były žodzinski śledčy byŭ vymušany ŭciačy ŭ Polšču paśla admovy raspačynać kryminalnuju spravu «afhanca» Alaksandra Kamaroŭskaha ŭ čas, kali toj vyłučaŭsia ŭ žodzinski harsaviet. Paśla Andrej Pyžyk zrabiŭ adkrytuju zajavu pra toje, jak falsifikujucca spravy «palityčnych» u Biełarusi. A niadaŭna vystupaŭ u jakaści ekśpierta ŭ filmie «Biełsatu» «Strach u krainie spakoju», pryśviečanym teraktu ŭ mienskim mietro. Paśla hetaha biełaruski bok zajaviŭ jaho ŭ vyšuk praz «Interpoł».
Pavodle žonki Andreja Pyžyka Julii, učora jaho zaprasiŭ da siabie polski ŭčastkovy, skazaŭšy, što źjavilisia niejkija prablemy z atrymańniem statusu ŭciekača. Paśla hetaha žančyna daviedałasia, što Andreja Pyžyka departujuć u Biełaruś ciaham niekalkich dzion.
«Jon paśpieŭ pieradać cydułku, u jakoj źviazvaje svajo zatrymańnie z tym, što vykazvaŭsia ŭ filmie „Strach u krainie spakoju“.
Nichto nie papiaredziŭ, pajšoŭ da taho ŭčastkovaha i nie viarnuŭsia», — kaža žonka.
