MZS zajaŭlaje pra rekordnaje stanoŭčaje salda ŭ źniešnim handli 2

Biełarusi ŭdajecca zabiaśpiečvać stabilny štomiesiačny pryrost ekspartu tavaraŭ, zajaviŭ 7 červienia na bryfinhu pres-sakratar MZS Biełarusi Andrej Savinych. Tak, kali ŭ studzieni na źniešnija rynki było pastaŭlena pradukcyi na 3,4 młrd. dołaraŭ ZŠA, to ŭžo ŭ krasaviku ekspart dasiahnuŭ 4,4 młrd. dołaraŭ.

U vyniku apiaredžańnia rostu ekspartu nad tempami rostu impartu stanoŭčaje salda ŭ handli tavarami skłała 1 młrd. dołaraŭ.

Taksama, pavodle jaho słoŭ, dasiahnuty vysokija, apiaredžvajučyja rost impartu (101%), tempy rostu ekspartu tavaraŭ i pasłuh — 137,4%. U studzieni-krasaviku 2012 hoda stanoŭčaje salda ŭ źniešnim handli tavarami i pasłuhami skłała 1,9 młrd. dołaraŭ ZŠA, što na 0,4 młrd. dołaraŭ vyšej za ŭstanoŭleny na 2012 hod pakazčyk prahnozu (1,5 młrd. dołaraŭ).

«U paraŭnańni sa studzieniem-krasavikom minułaha hoda salda palepšyłasia na 4,7 młrd. dołaraŭ za košt stanoŭčaha bałansu ŭ handli tavarami», — padkreśliŭ Savinych.

Pres-sakratar paviedamiŭ, što ŭ miežach pracy pa dyviersifikacyi ekspartu ažyćcioŭleny pastaŭki ŭ 12 novych krain: Bachrejn, Konha, Daminikanskaja Respublika, Hajana, Kienija, Łaoskaja NDR, Libieryja, Malta, Mazambik, Parahvaj, Siejšeły, Toha. Sumarny abjom pastavak skłaŭ 15,4 młn. dołaraŭ.

0

0

0

0

0

0

Andrej Sierada, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH