Biełaruś i Vjetnam majuć namier pašyrać supracoŭnictva pa ŭsich napramkach. Ab hetym išła razmova ŭ čas sustrečy 11 červienia Alaksandra Łukašenki z Nadzvyčajnym i Paŭnamocnym Pasłom Sacyjalistyčnaj Respubliki Vjetnam u Biełarusi Danh Chyu Čanam u suviazi z zaviaršeńniem jaho dypłamatyčnaj misii.
«Nam ciažka rasstavacca ź siabrami, ale my vielmi spadziajomsia, što paśla zaviaršeńnia vašaj dypłamatyčnaj misii ŭ Biełarusi siudy pryjedzie taki ž dobry, pravierany ŭ družbie čałaviek», — adznačyŭ Alaksandr Łukašenka.
Adnosiny Biełarusi i Vjetnama, pavodle słoŭ Alaksandra Łukašenki, majuć hłybinnyja karani.
«Naša družba zasnavana na śviatym — sumiesnaj baraćbie za niezaležnaść. U svoj čas my niamała zrabili, kab Vjetnam staŭ niezaležnym. Vy taksama niamała zrabili, kab u nas ustanavilisia samyja ciesnyja, dobryja i družalubnyja adnosiny», — padkreśliŭ Łukašenka.
Jon akcentavaŭ uvahu na tym, što
ale, jak ličyć Łukašenka, heta mizer u paraŭnańni z tym patencyjałam, jakim vałodajuć Biełaruś i Vjetnam.Biełaruska-v jetnamski tavaraabarot dasiahnuŭ praktyčna $200 młn.,
«My majem vielmi salidny dyjałoh na samym vysokim uzroŭni, — padkreśliŭ jon. — I naohuł u nas z Vjetnamam niama nijakich prablem. Pa mižnarodnamu paradku dnia u nas adzinyja pazicyi. Biełaruś zaŭsiody padtrymlivaje Vjetnam, a Vjetnam — Biełaruś. Spadziajusia, što tak budzie zaŭsiody».
Alaksandr Łukašenka adznačyŭ, što Biełaruś hatova ad prostaha handlu pierachodzić da bolš raźvitych form supracoŭnictva. Jon udakładniŭ:
«My hatovy budavać sumiesnyja pradpryjemstvy pa tych napramkach, jakija cikaviać vjetnamski bok».
Jon kanstatavaŭ, što Vjetnam — kraina, jakaja burna raźvivajecca, vielmi bahataja na karysnyja vykapni. «My majem patrebu ŭ vas, vy — u nas», — skazaŭ Łukašenka. Jon vykazaŭ upeŭnienaść, što ŭ bližejšyja hady Biełaruś i Vjetnam zmohuć pahłybić dvuchbakovaje supracoŭnictva.
«My ciapier idziom pa ŭsich napramkach: u Afrycy znachodzim siabroŭ i partnioraŭ, u Amierycy, Jeŭropie, Azii, — skazaŭ Alaksandr Łukašenka. — Ale Vjetnam — heta asablivaja kraina. Nam nie treba dakazvać svaju družbu i viernaść vašamu narodu i dziaržavie. Heta asnova našaha pahłyblenaha supracoŭnictva».
Jon paprasiŭ pieradać vjetnamskamu kiraŭnictvu zapeŭnieńni ŭ hatoŭnaści Biełarusi aktyŭna pašyrać supracoŭnictva z Sacyjalistyčnaj Respublikaj Vjetnam. Biełaruś zaŭsiody hatova pryniać lubuju delehacyju z Vjetnama. Biełaruskija delehacyi taksama buduć pastajanna pryjazdžać u Vjetnam, kab na miescy abmiarkoŭvać aktualnyja temy ŭzajemadziejańnia.
U svaju čarhu Danh Chyu Čan padziakavaŭ Łukašenku za mahčymaść takoj sustrečy. Jon adznačyŭ, što adnosiny pamiž Biełaruśsiu i Vjetnamam pastajanna raźvivajucca. Ale, niahledziačy na dobruju dynamiku, sapraŭdy jość vialiki patencyjał dla dalejšaha raźvićcia suviaziej. Vjetnamski pasoł vykazaŭ upeŭnienaść, što i ŭ budučym palityčnyja,