Jarašuk: Niezaležny prafsajuzny ruch Biełarusi naličvaje kala 10 tysiač čałaviek 1

Niezaležny prafsajuzny ruch Biełarusi naličvaje kala 10 tysiač čałaviek, paviedamiŭ lidar Biełaruskaha kanhresa niezaležnych prfasajuzaŭ (BKDP) Alaksandr Jarašuk.

«BKDP uklučaje ŭ siabie čatyry prafsajuzy: Biełaruski niezaležny prafsajuz, Svabodny prafsajuz Biełarusi, Svabodny prafsajuz mietalistaŭ i Biełaruski prafsajuz rabotnikaŭ radyjoelektronnaj pramysłovaści.

Samaja vialikaja arhanizacyja — Niezaležny prafsajuz harniakoŭ AAT „Biełaruśkalij“, u jaki ŭvachodzić bolš čym 4,5 tys. rabotnikaŭ.

U apošnija hady naša kolkaść trymajecca prykładna na adnym uzroŭni, niahledziačy na žorstki cisk, represii i dyskryminacyju», — adznačyŭ Jarašuk.

Na pytańnie, šmat heta ci mała — 10 tys. členaŭ niezaležnych prafsajuzaŭ dla krainy z nasielnictvam 9,5 młn. čałaviek, lidar BKDP adkazaŭ, što 10 tys. arhanizavanych svabodnych hramadzian va ŭmovach Biełarusi — surjoznaja siła. «Užo toje, što my prosta isnujem, što ŭłada vymušana nas pryznavać i ŭ vielmi składanych umovach my možam upłyvać na śfieru pracoŭnych adnosin, na sacyjalna-ekanamičnuju palityku, darahoha vartaje», — pierakanany lidar kanhresa.

Kankurencyju z 4-miljonnaj Fiederacyjaj prafsajuzaŭ Biełarusi, jakaja padtrymlivaje palityku ŭład, na dumku Jarašuka, BKDP paśpiachova vytrymlivaje, niahledziačy na nieparaŭnalnyja mahčymaści i ŭmovy, u jakich ažyćciaŭlajuć svaju dziejnaść arhanizacyi. «Niezaležnyja prafsajuzy Biełarusi isnujuć u vyklučna ahresiŭnym asiarodździ, ich členy adčuvajuć pastajanny cisk, represii i dyskryminacyju, i ŭ takich umovach ja liču dziejnaść našaj arhanizacyi vielmi efiektyŭnaj. Zarpłata na pradpryjemstvach, dzie dziejničajuć našy arhanizacyi, u siarednim u paŭtara raza vyšejšaja, čym pa krainie», — padkreśliŭ Jarašuk.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH