Vybarčuju sistemu Biełarusi mianiać nie płanujecca, paviedamiła staršynia Centralnaj kamisii Respubliki Biełaruś pa vybarach i praviadzieńniu respublikanskich refierendumaŭ Lidzija Jarmošyna.
Jak adznačyła Lidzija Jarmošyna, da reform vybarčaj sistemy treba padychodzić vielmi ŭmierana.
Na jaje dumku, źmiešanaja sistema, kali deputackija mandaty padzieleny na mažarytarnyja i partyjnyja, Biełarusi nie padychodzić.Akruhi ŭ takim vypadku buduć vielmi vialikimi. Dastatkova ŭjavić, što ŭ takim horadzie, jak Babrujsk, dzie kolkaść vybarščykaŭ amal 130 tys. čałaviek, pracuje adzin deputat. Vybarščyki praktyčna straciać mahčymaść trapić da jaho na pryjom, pryviała prykład kiraŭnik CVK.
Bolš taho, u niaroŭnych umovach akazvajucca i sami deputaty, dadała jana. Mažarytaryi niasuć choć niejkuju piersanalnuju adkaznaść pierad vybarščykami, a tyja, chto prajšoŭ u parłamient pa partyjnych śpisach — nie. Jany źviazany vyklučna volaj svajoj frakcyi. Ale rabotu parłamienta treba budavać na adnolkavych pryncypach.
Tamu ŭ vypadku reformy treba vybirać: abo mažarytarnaja vybarčaja sistema, abo praparcyjanalnaja. Ale ŭ Biełarusi ničoha mianiać nie płanujecca, padkreśliła Lidzija Jarmošyna.Prynamsi, Łukašenka nikoli nie paviedamlaŭ ab takich namierach. Bolš taho, jon zaŭsiody padkreślivaje, što ciapierašniaja mažarytarnaja vybarčaja sistema nie vyklikaje prablem i poŭnaściu adpaviadaje našym realijam, zajaviła staršynia Centrvybarkama.
0
0
0
0
0
0