Viciebski aktyvistKansiervatyŭna-chryścijanskaj partyi — BNF Siarhiej Kavalenka, jaki znachodzicca ŭ mahiloŭskaj kałonii № 19, źmieščany ŭ štrafny izalatar.
Jak paviedamiła žonka Kavalenki Alena, jana atrymała list ad muža, datavany 17 červienia. «U asnoŭnym jon piša pra siamiejnyja abstaviny, ale apošni abzac pisaŭ vidavočna ŭ śpiešcy. Jon vielmi irvany i niaskončany. U im jon piša, što ŭ kałonii jamu dali 2 parušeńni, administracyja piersanalna praviaraje jaho tumbačku, za im ustalavany piersanalny nahlad, jaho nie puskajuć na spartplacoŭki.
Akramia taho, ad jaho ŭvieś čas patrabujuć napisać prašeńnie ab pamiłavańni na imia prezidenta.U kancy lista jon paviedamlaje, što ŭ jaho byŭ tolki što kanflikt z adnym ź źniavolenych, jakoha jon ličyć pravakataram, i nie vyklučyŭ, što jaho źmieściać u štrafny izalatar «, — paviedamiła Alena Kavalenka.
22 červienia pa svaim krynicach jana daviedałasia, što muž 18 červienia byŭ źmieščany ŭ štrafny izalatar na 10 sutak. «Z saboj jamu nie dazvolili ŭziać ni ježy, ni lekaŭ, ni papiery, ni asadki», — adznačyła Alena.
Akramia taho, jana paviedamiła, što sa śpisu 15 nieabchodnych Kavalenku lekaŭ administracyja kałonii dazvoliła pieradać jamu tolki piać.
0
0
0
0
0
0