Tak budynki na navahrudskaj płoščy vyhladali naprykancy maja 2012 hoda. Fota Siamiona Piečanka.
Nasupierak abiacańniam uładaŭ, u źmienšanyja prajomy ŭžo pastavili vokny. Z dachu źnik franton, znajomy pa zdymkach pačatku XX st. Fota Arcioma Abłažeja .
Dom kultury dabudoŭvajuć z tylnaha boku. Fota Siamiona Piečanka.
Susiedni z Domam kultury damok kanca XIX st. staić paŭrazburany. Fota Arcioma Abłažeja .
Susiedni z Domam kultury damok kanca XIX st. staić paŭrazburany. Fota Arcioma Abłažeja .
U domie druhoj pałovy XIX st. pastavili škłopakiety. Tak hety dom vyhladaŭ u mai. Fota Siamiona Piečanka.
Škłopakiet jak historyka-kulturnaja kaštoŭnaść. Fota Siamiona Piečanka.
Tak damok vyhladaje ciapier. Fota Arcioma Abłažeja .
Na miescy byłoha hatelu «Jeŭropa» dahetul pustka. Jaho pačali adnaŭlać u 2006 hodzie. Fota Siamiona Piečanka.
Pra ambitny prajekt nahadvaje tolki vyharały na soncy pašpart abjektu. Fota Siamiona Piečanka.
Vulica Savieckaja. Tut śpiłavali častku drevaŭ. Fota Arcioma Abłažeja .
Vulica Savieckaja. Fota Arcioma Abłažeja .
Tak Navahrudak vyhladaŭ u časie ramontu ŭ 1998 hodzie. Fota photo.bymedia.net.
U Navahrudku sioleta musiŭ prajści čarhovy fiestyval siaredniaviečnaj kultury. Pra heta kazałasia na apošnim feście ŭ 2010 hodzie, pryśviečanym 600-hodździu Hrunvaldskaj bitvy.
Adnak, zamiest rycarskaha festu ŭ Navahradku vyrašyli zładzić abłasnyja «Dažynki».U pačatku maja hetaha hoda ŭ internecie źjavilisia fotazdymki, na jakich bačna, jak staražytny horad rychtujuć da padziei. U pryvatnaści, havorka viałasia pra rekanstrukcyju budynka Doma kultury, zbudavanaha pry kancy XIX st. Jon źjaŭlajecca historyka-kulturnym pomnikam. U budynku na toj momant akonnyja prajomy byli častkova zakładzienyja silikatnymi błokami.
Karespandenta «NN» u adździele kultury rajvykankama tady zapeŭnili, što pracy adbyvajucca zhodna prajektna-kaštarysnaj dakumientacyi i hetaja miera — časovaja.
Ciapier źjavilisia novyja fotazdymki, ź jakich vynikaje, što ŭ tyja źmienšanyja prajomy ŭžo pačali stavić vokny.
Bolš za toje, z budynka źnik franton, jaki možna pabačyć na zdymkach pačatku XX st. Susiedni z Domam kultury budynak, były restaran «Haścinny dvor», staić paŭrazburany.Jon taksama adnosicca da zabudovy kanca XIX st. U adnym z damkoŭ druhoj pałovy XIX st. pastavili škłopakiety.
U toj ža čas, na miescy byłoha hatelu «Jeŭropa», jaki jašče šeść hod tamu ŭzialisia adbudoŭvać uradžency Navahrudka, dahetul pustka, aharodžanaja płotam.
Padrychtoŭka da «Dažynak» u Navahrudku — nie pieršy hłabalny kapramont u horadzie. 14 hod tamu z padobnym razmacham jaho rychtavali da 200-hodździa Adama Mickieviča