U sudzie Centralnaha rajona Minska zaviaršyŭsia praces pavodle pazovu lidara Abjadnanaj hramadzianskaj partyi Anatola Labiedźki da Ministerstva ŭnutranych spraŭ i Ministerstva justycyi.
Palityk patrabavaŭ pryznać niezakonnymi dziejańni vyšejnazvanych viedamstvaŭ i vyklučyć jaho sa śpisu nievyjaznych asobaŭ.
Padčas sudovaha pracesu pradstaŭnik Ministerstva justycyi zajaŭlaŭ, što z takoj inicyjatyvaj nie vystupaŭ, a pradstaŭnik Ministerstva ŭnutranych spraŭ skazaŭ, što spadar Labiedźka byŭ uniesieny ŭ śpis nievyjaznych z pryčyny techničnaha zboju kampjutarnaj prahramy. Jon pradstaviŭ u sud daviedku ź siońniašniaj dataj, u jakoj havorycca, što Anatol Labiedźka vyklučany sa śpisu nievyjaznych.
Raniej vyklučeńnia z «čornaha śpisu» damahlisia ŭ sudach kaardynatar hramadzianskaj kampanii «Za spraviadlivyja vybary» Viktar Karniajenka, namieśnik staršyni Biełaruskaj partyi levych «Spraviadlivy śviet» Valeryj Uchnaloŭ, namieśnik staršyni pravaabarončaha centra «Viasna» Valancin Stefanovič i kiraŭnik infarmacyjna-aśvietnickaj ustanovy «Płatforma» Andrej Bandarenka.