Prachodžu kala miasnych pryłaŭkaŭ na krytaj častcy Kamaroŭskaha rynka — ŭsio, čaho duša pažadaje: śvinina, jałavičyna, cialacina, baranina. Zasolenaje sała ź miasnymi prasłojkami z časnakom, kalandraj i kropam. Pachnie tak, što ślinka ciače!
Pradaŭščycy adna za adnoj prapanujuć mnie miasa, sała, vyrazki, rabrynki, šyju i kumpiaki i napieraboj zaprašajuć kupićšto-niebudź :
«Voś jałavičyna! Z hetaha vy zrobicie adbiŭnuju, možna zapiekčy, voś chrastki, łapatka — usio miakkaje!», — rekłamuje svaju pradukcyju na ŭsie łady handlarka.
Druhaja pierachoplivaje maju ŭvahu: «Voś śvinina!
Uciakaju nie darma! Pužajuć košty na hetaje cudoŭnaje miasa!
«Voś jałavičynka — za 85, voś kavałačak za 110! Štości horaj, z pražyłačkami — 85!» — achvotna ahučvajuć košty pradaŭcy. — Troški horaj — i 85 tysiač rubloŭ?
Pryhladajusia da koštaŭ. Kiłahram śvininy na «Kamaroŭcy» kaštuje ŭ siarednim 50–70 tysiač rubloŭ, jałavičyna — ad 80 da 130 tysiačaŭ, a kiłahramovy kavałačak tłustaj baraniny možna kupić za 110 tysiač rubloŭ!Daražej — cialacina: kiłahram najdalikatnaha kumpiačka — 155 tysiač rubloŭ.
Niahledziačy na takija košty, pradaŭcy zaŭvažajuć, što niedachopu pakupnikoŭ jany nie adčuvajuć.
«Pakupnickaja zdolnaść nie źmienšyłasia. Chto kuplaŭ — toj kuplaje i zaraz. Ludzi na šmotcy zekanomiać, ale kuplajuć. Chto pryvyk jeści, toj kuplaje, chto pryvyk ekanomić…Hlańcie košty ŭ „Karonie“! Tam jałavičyna pa 176 tysiačaŭ za kiłahram. Da nas pakupniki prychodziać i robiać vialikija vočy, bo ŭ nas jašče tanna!» — kančatkova dabivaje mianie pradaŭščyca.
Darečy, košty ŭ toj samaj «Karonie» i praŭda takija: «Jałavičyna — 170 000 rubloŭ, śvinina — 74 000 rubloŭ».
Peŭna, ja čaho nie razumieju, bo nie liču, što 120 ci 170 tysiačaŭ za kiłahram — heta narmalnyja košty i nichto, akramia mianie, na rynku im nie ździŭlajecca!
«Sałodkaje žyćcio» dla fanataŭ taksama kaštuje doraha. Cukierki na kirmašy — nie tańniej za 35–40 tysiačaŭ. A samyja darahija — 145 000 za kiłahram. Vielmi simvalična cukierki nazyvajucca «Natchnieńnie»!
Prykładna ŭ stolki ž, kolki kaštuje jałavičyna, na rynku ŭ kaniec siezona abydziecca viadro kłubnicaŭ — 120 000 rubloŭ.
Paśla «miasnych» uražańniaŭ šukaju pradukty pa čałaviečych cenach. U paraŭnańni z pačatkam lipienia mnohija pradukty ŭžo patańnieli. Ahurki, pamidory, kapusta — cana za kiłahram taho ci inšaha vahajecca na ŭzroŭni 5–8 tysiačaŭ.Maładzieńkija kabački i bakłažany na rynku taksama kapiejki — da 5 tysiačaŭ rubloŭ. Darečy, bulba ŭžo kaštuje 2800 za kiłahram.
Ceny na krop, piatrušku, časnok, sałatu i čarnicy trymajucca na ŭzroŭni pačatku miesiaca. Za kiłahram čarnicaŭ treba addać 30–35 tysiačaŭ rubloŭ, za pučok kropu i piatruški — 6 tysiačaŭ, časnok u babulek
