U pasiołku Chałmy Homielskaha rajona dniom 29 lipienia zahareŭsia žyły dom. Z-za mocnaha vietru i niesvoječasovaha vykliku ratavalnikaŭ da momantu prybyćcia pažarnych hareli ŭžo dźvie chaty i haspadarčaja pabudova, isnavała taksama pahroza raspaŭsiudu ahniu na susiednija budynki.
Jak paviedamiŭ pres-sakratar Homielskaha abłasnoha ŭpraŭleńnia MNS Rusłan Habryloŭ, pa miedycynskuju dapamohu źviarnulisia dva žychary pasiołka, jakija pry samastojnym tušeńni pažaru atrymali traŭmy roznaj stupieni ciažkaści. Paciarpiełyja byli špitalizavany. U vyniku pažaru źniščana piać haspadarčych pabudoŭ, u žyłych damach źniščany dach i stolevaje pierakryćcio na ŭsioj płoščy, paškodžany ścieny i majomaść unutry damoŭ.
Jak miarkujuć, pryčyna pažaru — padpał. Padčas apytańnia śviedak ustanoŭlena, što pieršapačatkova žychary damoŭ na praciahu piaci-šaści chvilin sprabavali patušyć pažar samastojna, nie paviedamiŭšy ŭ MNS.
Nočču 30 lipienia ŭ haradskim pasiołku Azaryčy Kalinkavickaha rajona taksama zahareŭsia žyły dom. Na momant pažaru ŭ im znachodzilisia 23-hadovy mužčyna ź siamjoj — žonkaj i dvuma małymi dziećmi. Mužčyna zahinuŭ, žančynu ź dziećmi ŭdałosia vyratavać. U vyniku pažaru źniščany dach doma na ŭsioj płoščy, daščanaja vieranda, paškodžany ścieny. Źniščany taksama dvie daščanyja haspadarčyja pabudovy i aŭtamabil «VAZ-2103». Pavodle słoŭ susiedziaŭ, haspadar doma charaktaryzujecca stanoŭča, śpirtnymi napojami nie złoŭžyvaŭ.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
