U Bychaŭskim rajonie milicyja razahnała letnik sacyjał-demakrataŭ 2
Na turbazie kala piacidziesiaci čałaviek mielisia prabyć tydzień.
U Bychaŭskim rajonie na turbazie Mahiloŭskaha mietałurhičnaha zavoda supracoŭniki milicyi pahrozami vymusili zharnuć letnik, jaki arhanizavali «Maładyja sacyjał-demakraty» i «Maładaja hramada», paviedamiła adna z arhanizatarak Julija Mickievič. Siarod udzielnikaŭ jość i zamiežniki — rasiejcy i francuz.
Pavodle Mickievič, na turbazie kala piacidziesiaci čałaviek mielisia prabyć tydzień. Sa słoŭ aktyvistki, usie finansavyja pytańni byli vyrašanyja z uładalnikam turbazy zahadzia. Ale siońnia było zajaŭlena, što na turbazu pryjaždžajuć spartoŭcy.
Letniki maładyja sacyjał-demakraty pravodziać štohod. Sioleta ciaham tydnia aktyvisty źbiralisia pravodzić u letniku adukacyjnyja mierapryjemstvy dy abmieńvacca praktyčnym dośviedam sa svaimi zamiežnymi kalehami.
