Avaryi, padobnaj da toj, što zdaryłasia pozna ŭviečary 29 lipienia ŭ vioscy Miłavidy Baranavickaha rajona, pa słovach supracoŭnikaŭ DAI, u rajonie nie było hadoŭ 15, piša Intex-press.
Pa papiaredniaj viersii DAI, apoŭnačy žychar Lachavickaha rajona 1994 h. n.. z adnym pasažyram jechaŭ na matacykle «M1nsk» pa vioscy. Pa nieviadomaj pryčynie matacykł vyjechaŭ na pałasu sustrečnaha ruchu, dzie sutyknuŭsia ź jašče adnym matacykłam — «IŽ», na jakim jechali miascovy žychar 1994 h.n. i jaho siabroŭka.
Pa słovach supracoŭnikaŭ DAI, abodva matacykły ŭ ciomny čas sutak jechali biez uklučanych faraŭ, u abodvuch vadzicielaŭ nie było ni pravoŭ, ni dakumientaŭ pra projdzieny techahlad, ni strachovak, matacykły nie byli zarehistravanyja. Akramia taho, i kiroŭcy, i pasažyry byli biez motašlemaŭ.
U vyniku avaryi kiroŭca matacykła «IŽ» atrymaŭ surjoznyja traŭmy, u liku jakich zakrytaja čerapna-mazhavaja traŭma, a taksama pierałomy nosa i skivicy.
