12 žniŭnia — dzień naradžeńnia viadomaha palityka Mikałaja Statkieviča. Svajo 56-hodździe, jak i minuły dzień naradžeńnia, były kandydat u prezidenty Biełarusi adznačaje za kratami.
Pradstaŭniki demakratyčnaj hramadskaści praviali akcyju salidarnaści ź im i inšymi biełaruskimi palitźniavolenymi. Na placoŭcy kala Kamaroŭskaha rynku stalicy adbyŭsia ahulny pikiet pa zbory podpisaŭ za demakratyčnych kandydataŭ, jakija vyłučajucca pa akruhach Minska pry padtrymcy hramadzianskaj kampanii "Havary praŭdu!" i ruchu "Za Svabodu". Akcyja prachodziła pad devizam "Z dniom naradžeńnia, Mikałaj!". Kožny achvotny mieŭ mahčymaść pazvanić z telefonaŭ udzielnikaŭ pikieta i adpravić telehramu ź vinšavańniami Statkieviču, lubomu inšamu palitźniavolenamu.
Siarod pikietoŭcaŭ byli viadomyja palityki i hramadskija aktyvisty Alaksandr Milinkievič, Alaksandr Fiaduta, Andrej Dźmitryjeŭ, Juryj Mielaškievič, Pavieł Vinahradaŭ.