Kiraŭnictva CVK Biełarusi i pradstaŭniki misii naziralnikaŭ Biuro pa demakratyčnych instytutach i pravach čałavieka (BDIPČ) ABSIE, jakija prybyli ŭ Minsk, abmierkavali ranicaj 21 žniŭnia pytańni ŭzajemadziejańnia na parłamienckich vybarach. Žurnalisty na sustreču nie zaprašalisia.
Jak paviedamiŭ sakratar Centralnaj kamisii Mikałaj Łazavik, BDIPČ na sustrečy pradstaŭlali kiraŭnik misii Antonio Miłašoski, jaho namieśnik Donald Bison, analityk pa vybarach Zoran Łučyč i daradčyk departamienta pa vybarach Biuro Ryčard Łapkin.
«Kiraŭnik misii prapanavaŭ nam štotydniova sustrakacca i abmiarkoŭvać pytańni, jakija ŭźnikajuć», — skazaŭ Łazavik. Jon taksama paviedamiŭ, što padčas sustrečy staršynia CVK Lidzija Jarmošyna ŭručyła pradstaŭnikam misii 12 paśviedčańniaŭ mižnarodnych naziralnikaŭ.
Takim čynam, adznačyŭ Łazavik, Centrvybarkam akredytavaŭ užo 33 naziralniki misii BDIPČ ABSIE. Jašče 21 paśviedčańnie budzie ŭručana paśla pryjezdu ŭ Biełaruś astatnich naziralnikaŭ. Płanujecca, što ŭ misiju BDIPČ uvojduć 36 doŭhaterminovych i 270 karotkaterminovych naziralnikaŭ.
Pavodle słoŭ sakratara CVK, Jarmošyna prainfarmavała kiraŭnictva misii BDIPČ ab vybarčym zakanadaŭstvie Biełarusi i chodzie padrychtoŭki da parłamienckich vybaraŭ.
Miłošski, sa svajho boku, paviedamiŭ ab namiery misii vyvučyć pracu nie tolki CVK, ale i akruhovych učastkovych kamisij, sustrecca z subjektami vybarčaha pracesu i adsočvać pracu ŚMI pa aśviatleńni vybaraŭ.
Kiraŭnik misii, pavodle słoŭ Łazavika, vykazaŭ padziaku CVK za zaŭvahi pa tekście spravazdačy misii acenki patreb nazirańnia, jakaja znachodziłasia ŭ Biełarusi niekalki tydniaŭ tamu.
22 žniŭnia pradstaŭniki misii BDIPČ ABSIE płanujuć pravieści ŭ Minsku
