Dva žychary Bresta ŭvieźli ŭ Biełaruś bolš za 6 tys. padroblenych dalaraŭ, paviedamili va UUS Bresckaha abłvykankama.
Supracoŭniki UBEP UUS Bresckaha abłvykankama i ABEZ AUS administracyi Leninskaha rajona Bresta zatrymali dvuch raniej sudzimych i nidzie nie pracujučych bieraściejcaŭ. Śledčyja vyśvietlili, što
zatrymanyja supolna ŭ krasaviku hetaha hoda zavieźli ŭ Biełaruś z Polščy bolš za 6 tysiač padroblenych dalaraŭ ZŠA sociennymi kupiurami.Častku falšyvych hrošaj jany vydatkavali na kuplu mabilnych telefonaŭ u internet-kramie.
Im pahražaje da siami hadoŭ pazbaŭleńnia voli z kanfiskacyjaj majomaści.Złačyncam było vystaŭlena abvinavačvańnie pa č.2 art.221 KK Biełarusi (vyrab, zachoŭvańnie abo zbyt padroblenych hrošaj ci kaštoŭnych papier, ździejśnieny hrupaj asob).
Jak paviedamlajuć va UUS,
padčas pieratrusaŭ u zatrymanych kanfiskavana vosiem falšyvych stodalaravych kupiur i try mabilnyja telefony, nabytych za padroblenyja hrošy.
ABEZ AUS administracyi Leninskaha rajona Bresta rekamienduje hramadzianam kuplać zamiežnuju valutu ŭ bankaŭskich ustanovach i raźličvacca za tavar tolki biełaruskimi rublami.
0
0
0
0
0
0
