22 žniŭnia ŭ małoj zale Muzieja sučasnaha vyjaŭlenčaha mastactva (Minsk,pr-t Niezaležnaści, 47) adkryłasia vystava hrafiki Haliny Łazarčyk «1+1=69».
Heta sieryja malunkaŭ u žanry eratyčnaj minijaciury, u jakoj aŭtar pracuje na praciahu apošnich hadoŭ. Humar i abahulnienaść vyjavaŭ nie pakidajuć miesca dla pošłaści. Mastačka ułoŭlivaje ŭsie mahčymyja niuansy asabistaha žyćcia, u jakim ad śmiešnaha da trahičnaha — adzin krok.
«Šmatviakovaja historyja i ŭsia suśvietnaja kultura „napoŭnienyja“ ŭzajemaadnosinami pamiž mužčynam i žančynaj, — tłumačyć aŭtar, — tamu samo kachańnie ŭžo vystupaje jak kulturnaja kaštoŭnaść.U svaich malunkach mnie nie chaciełasia być adnabakovaj, aryjentujučysia tolki na ŭźniosłyja emocyi. Adnosiny pamiž ludźmi šmathrannyja i supiarečlivyja, a značyć, u ich jość miesca eratyzmu, hrubaści, utrapionaści, zdradzie i h.d.
Moj prajekt pad nazvaj „1+1=69“ demanstruje jak maha bolšuju kolkaść bakoŭ uzajemaadnosin pamiž mužčynam i žančynaj».
«Na vašych pracach vyjavy taho, čaho vam nie chapaje?» — na hetaje pravakacyjnaje pytańnie Halina Łazarčyk (na zdymku 1) z uśmieškaj adkazvaje: «Nie, heta toje, čaho ŭ mianie zanadta šmat».
Vystava praciahniecca pa 2 vieraśnia.
0
0
0
0
0
0
