Z novaha navučalnaha hoda ŭ Minsku pavysiacca ceny na školnaje charčavańnie.Pra heta paviedamiła hałoŭny śpiecyjalist adździeła hramadskaha charčavańnia hałoŭnaha ŭpraŭleńnia spažyvieckaha rynku Minharvykankama Lilija Leŭčyk 23 žniŭnia na pasiadžeńni kruhłaha stała ŭ Minsku.
Pavodle jaje słoŭ, zhodna z papiaredniaj acenkaj, u siarednim adnarazovaje haračaje charčavańnie ŭ škole budzie kaštavać 9–10 tysiač, tady jak u mai jano kaštavała 8–8,5 tys. rubloŭ.
Jak zaznačyła Leŭčyk, na ŭzhadnieńni znachodzicca prajekt pastanovy Saŭmina, jakoj praduhledžana pavieličeńnie na 35% hrašovych norm dla školnikaŭ, jakija charčujucca biaspłatna. «U zaležnaści ad hetaha budziem vyznačać košt charčavańnia za najaŭny raźlik», — skazała jana.
U kožnym rajonie vyznačany škoły, jakija buduć arhanizoŭvać charčavańnie nakštałt šviedskaha stała, što daje mahčymaść dziciaci vybaru ź dźviuch sałat, dźviuch druhich straŭ, dvuch napojaŭ. U 2011/2012 navučalnym hodzie heta inicyjatyva była realizavanaja ŭ škole № 125 Frunzienskaha rajona.Jak paviedamiła mietadyst Minskaha haradskoha instytuta raźvićcia adukacyi Halina Bałašova, u 2012/2013 navučalnym hodzie praciahniecca realizacyja šerahu novaŭviadzieńnia ŭ charčavańni školnikaŭ.
Jak zaznačyła śpiecyjalist, dla arhanizacyi šviedskaha stała ŭ škołach Minska nieabchodna zakupić śpiecyjalnaje abstalavańnie koštam nie mienš jak 103 młn. rubloŭ. Administracyi rajonaŭ horada buduć šukać hetyja hrošy.
Pavodle słoŭ Bałašovaj, jak i letaś školnikam buduć prapanoŭvać śviežavycisnutyja soki. Sokavyciskałki zakupleny bolš čym dla 220 škoł horada. Dla taho kab zrabić dastupnaj canu soku, dzieciam prapanoŭvajucca porcyi pa 100 hramaŭ. Asartymient — jabłyčny, markoŭny i
Zahadčyca adździaleńnia hihijeny dziaciej i padletkaŭ Minskaha haradskoha centra hihijeny i epidemijałohii Valancina Žychar taksama padkreśliła, što adna z najvažniejšych zadač u miežach sistemy školnaha charčavańnia — dać dziciaci mahčymaść vybaru, sfarmiravać u jaho prychilnaść da zdarovaha charčavańnia.
Na jaje dumku, zadačy hihijeny ŭ školnych stałovych užo vyrašanyja. «Kali raniej my havaryli, što ŭ nas mnohija dzieci nie naviedvajuć charčovyja błoki tolki tamu, što niechta ź piersanału moža być nieakuratnym pry razdačy ježy, dzieści pry dapamozie ruk adpuskajucca stravy, to hetyja pytańni vyrašanyja», — skazała Žychar. Pavodle jaje słoŭ, na praciahu apošnich hadoŭ uviedzieny adnarazovyja palčatki dla razdačy ježy, cialežki dla razvozu pradukcyi, piersanał abaviazany nasić śpiecyjalnuju formu.
