Asabistaje žyćcio čałavieka ŭ demakratyčnych krainach achoŭvajecca zakonam. Toje ž tyčycca i stanu jahonaha zdaroŭja. Inšaja sprava — publičnyja asoby, tym bolš — kiraŭniki dziaržavaŭ — tut tajamnicaŭ nie zastajecca.
Tak, u Złučanych Štatach Ameryki rehularna publikujucca vyniki medyčnaha abśledavańnia prezydenta, bolšaść fizijalahičnych parametraŭ znachodziacca ŭ adkrytym dostupie. U tym liku — i rost.
Psycholahi dyskutujuć adnosna ŭpłyvu čałaviečaha rostu na jahonyja pavodziny i samaacenku, adnak naŭrad ci rost čałavieka moža niejak istotna ŭpłyvać na jahonyja palityčnyja zdolnaści ci stupień jahonaha demakratyzmu.
Tak, Uinstan Čerčyl i Ŭładzimier Pucin byli pryblizna adnolkava rostu (168 i 170 adpaviedna), jak i Barys Jelcyn (188) i Fidel Kastra (190), a Napaleon i de Hol istotna roźnilisia (168 i 196).Zatoje stupień dastupnaści hetaj infarmacyi moža śviedčyć i pra demakratyčnaść kiraŭnika ci jahonych aficyjnych pradstaŭnikoŭ.
I kali presavaja słužba prezydenta Małdovy Mikałaje Cimafci adrazu nazvała rost svajho patrona (176), dyk daviedacca dakładny rost prezydentaŭ Armenii, Tadžykistanu i Ŭzbekistanu nam nie ŭdałosia. Mierkavać pra heta davodzicca z subjektyŭnych acenak kaleh-žurnalistaŭ («Rost Sarhsiana jak u Miadźviedzieva», «Karymaŭ vyhladaje adnaho rostu z Nazarbajevym», «Alijeŭ taki jak Łukašenka, moža krychu vyšejšy», «Rachmon pryblizna taki, jak Łukašenka».
Miž inšym,
rost Alaksandra Łukašenki taksama aficyjna nie padajecca — my skarystalisia dadzienymi ahienctva Interfaks.
