Jeŭrapiejski humanitarny univiersitet abjaviŭ ab pačatku naboru studentaŭ na siem prahram mahisterskaj padrychtoŭki.
Jak paviedamiła BiełaPAN śpiecyjalist adździeła hramadskich i zamiežnych suviaziej EHU Kaciaryna Radźko, u 2007 hodzie univiersitet prymaje studentaŭ na nastupnyja mahisterskija prahramy: «Sacyjalnaja teoryja i palityčnaja fiłasofija», «Kulturnyja daśledavańni», «Mižnarodnaje prava i jeŭrapiejskaje prava», «Jeŭrapiejskija daśledavańni», «Demakratyja i hramadzianskaja supolnaść», «Achova i interpretacyja kulturnaj spadčyny» i «Paraŭnalnaja historyja krain Paŭnočna‑Uschodniaj Jeŭropy». Termin navučańnia ŭ mahistratury — dva hady. Forma navučańnia — vočnaja, praduhledžvaje čatyry‑piać dvuchtydniovych siesij u navučalnym hodzie ŭ Litvie i rabotu ŭ farmacie dystancyjnaha navučańnia ŭ pieryjady pamiž siesijami.
Navučańnie hramadzian i pastajannych rezidentaŭ Biełarusi na ŭsich mahisterskich prahramach ažyćciaŭlajecca za košt srodkaŭ hrantadaŭcaŭ. Na čas siesii univiersitet taksama zabiaśpiečvaje mahistrantaŭ miescami ŭ internacie, pakryvaje raschody na miedycynskaje strachavańnie i akazvaje sadziejańnie ŭ atrymańni vizy ŭ Litvu.
Adbor słuchačoŭ na mahisterskija prahramy budzie prachodzić pa vynikach ustupnych ispytaŭ (ekzamiena/testa i hutarki), adznacy za ese/daśledčy prajekt, siarednim bale dypłoma ab vyšejšaj adukacyi i acenkach (bałach) pa profilnych dla kožnaj mahisterskaj prahramy dyscyplinach, a taksama stupieni vałodańnia zamiežnaj movaj.
U EHU taksama prymajucca studenty vypusknych kursaŭ biełaruskich VNU dla niefarmalnaha navučańnia ŭ mahistratury. Atrymaŭšy biełaruski dypłom ab vyšejšaj adukacyi, słuchačy mahistratury pa prahramie niefarmalnaha navučańnia mohuć być pieraviedzieny ŭ status paŭnavartasnych studentaŭ i zaličany na druhi kurs mahisterskich prahram.
Dakumienty suiskalnikaŭ prymajucca ŭ dva patoki ŭ elektronnym farmacie: u pieršym patoku — da 30 červienia 2007 hoda, u druhim patoku (na astatnija miescy) — da 5 vieraśnia 2007 hoda ŭklučna. Pačatak navučalnaha hoda — 1 kastryčnika 2007 hoda.
Nahadajem, paśla zakryćcia ŭ Minsku ŭ 2004 hodzie EHU adnaviŭ svaju dziejnaść u Vilniusie i ŭ lutym 2006 hoda atrymaŭ aficyjny status litoŭskaha VNU.
