Łazavik trapiŭ u avaryju z-za błandynki - fota 6

Siońnia na adnym ź biełaruskich internet-forumaŭ byli apublikavanyja fota dosyć šarahovaj avaryi na ŭnutranym kole MKAD niedaloka ad źjezda ŭ bok Ždanovičaŭ. Pa čutkach, u adnoj z mašyn, što sutyknulisia, byŭ zaŭvažany čałaviek, padobny da sakratara Centrvybarkama Biełarusi Mikałaja Łazavika.

Karespandent Tut.by nieadkładna źviazaŭsia ź Mikałajem Łazavikom.

— Sapraŭdy, siońnia my trapili ŭ DTZ, dastatkova, jak ja liču «dziciačaje», — raspavioŭ Mikałaj Łazavik.

— Jechali pa ŭnutranym kole, a zzadu nas na svajoj mašynie — simpatyčnaja dziaŭčyna-błandynka. Ci to jana straciła ŭvahu, ci to vusny padfarboŭvała — ja nie viedaju, ale ŭ vyniku niamocna sutyknułasia z našaj mašynaj. Pabiła faru, potym — urezałasia ŭ adbojnik i pazbaviłasia jašče adnoj.

Z našaj mašynaj ničoha strašnaha nie zdaryłasia, — havaryŭ dalej Mikałaj Ivanavič, — usiaho para drapin. Dalej my vyklikali DAI i ŭsio aformili ŭ adpaviednaści z zakonam».

Sakratar Centrvybarkama i jaho kiroŭca padčas siońniašniaha DTZ na MKAD nie paciarpieli. Inšaja ŭdzielnica, dziaŭčyna-kiroŭca, taksama tolki trochi spałochałasia.

0

0

0

0

0

0