Za 15 dzion da daty vybaraŭ ustanoŭlena dakładnaja kolkaść vybarščykaŭ — 7 miljonaŭ 78 tysiač 809, paviedamiła na
Jana adznačyła, što nazvanaja ličba mienš za tuju, što była zafiksavana na papiarednich — prezidenckich — vybarach: 7 miljonaŭ 105 tysiač vybarščykaŭ. Adnak roźnicu ŭ 0,3% naŭrad ci možna ličyć istotnaj, skazała Jarmošyna.
Pavodle jaje słoŭ, kolkaść vybarščykaŭ moža źmianiacca, ale niaznačna.
Na siońnia zarehistravany 364 kandydaty ŭ deputaty pałaty pradstaŭnikoŭ, paviedamiła Jarmošyna.
Padčas ciapierašniaj kampanii pastupiła 336 skarhaŭ — bolš, čym na parłamienckich vybarach 2008 hoda, kali było zafiksavana 308 skarhaŭ. «Tym nie mienš u mianie adčuvańnie, što kampanija prachodzić mienš kanfliktna, — skazała kiraŭnik CVK. — Skarhi časta dublujuć adna adnu, ich pišuć pradstaŭniki adnaho kandydata abo partyi. Raniej byli skarhi na niejkija administracyjnyja resursy, ciapier takich skarhaŭ niama».
Pavodle słoŭ Jarmošynaj, prajšło ŭžo 17 debataŭ kandydataŭ u deputaty. Płanujecca pravieści i zapisać jašče 14.Siem debataŭ byli źniaty z efiru ŭ suviazi z tym, što kandydaty ahitavali za bajkot vybaraŭ.
U Hrodzienskaj vobłaści debaty naohuł nie projduć, bo nie nabrałasia dvuch čałaviek na akruhu, jakija žadali ŭ ich udzielničać.
Kiraŭnik CVK taksama paviedamiła, što svaje vybarčyja fondy zarehistravali 74 kandydaty ŭ deputaty.
