12 vieraśnia ŭ 10:40 pry praviadzieńni radyjahrafičnaha kantrolu zvarnych złučeńniaŭ pry rekanstrukcyi abstalavańnia ŭ parahazaturbinnym cechu CEC-2 vyjaŭlena pieravyšeńnie radyjacyjnaha fonu ŭ padviesnych elemientach katła-ŭtylizatara na vyšyni kala 20 mietraŭ.
U radyusie dvuch mietraŭ ad krapiažoŭ pieravyšeńnia radyjacyjnaha fonu nie vyjaŭlena. Dostup ludziej u niebiaśpiečnuju zonu abmiežavany, nichto nie paciarpieŭ. Terytoryja aharodžanaja (kala 30 kv.m.). Rabotniki słužby chimičnaj i radyjacyjnaj abarony Hrodzienskaha pažarnaha avaryjna-vyratavalnaha atrada MNS sumiesna z abłasnym centram hihijeny, epidemijałohii i hramadskaha zdaroŭja praviali zamiery radyjacyjnaha fonu.
Uzrovień skłaŭ 6-10 mZv/h, što źjaŭlajecca značnym pieravyšeńniem normy (u 50 razoŭ).Pracuje kamisija pa vyśviatleńni abstavinaŭ zdareńnia. Płanujucca mierapryjemstvy pa zamienie i ŭtylizacyi «faniačych» kanstruktyŭnych elemientaŭ. Abstalavańnie vypuščana i pastaŭlena ź Indyi.
0
0
0
0
0
0
