Fest «Kamianica»: ad Kanady da «Krambambuli» 2

15 vieraśnia ŭ Stročycach pad Minskam, u Muziei narodnaj architektury i pobytu adbudziecca fołk-fest «Kamianica». «Naša Niva» skłała TOP-7 pryčyn, čamu ŭ subotu treba być u pasiołku Aziarco.

1. «Kamianica» ledź nie apošni fest, jaki adbudziecca na śviežym pavietry sioleta. Da taho ž doŭžycca jon budzie ažno dzieviać hadzin — što dla «Kamianicy» rekord. Pačatak a 12-j hadzinie, a skončycca fest u 21.00. Fiestyvalnyja aŭtobusy buduć chadzić da 22.00.

2. Na feście vystupić Nasta Niakrasava i hurt FolkRoll — badaj što samy niezvyčajny fołk-kalektyŭ z tych, što źjavilisia ciaham apošnich hadoŭ: muzyki spałučajuć narodnyja śpievy z tvorčym padychodam akademičnych kampazitaraŭ XX stahodździa. Ich albom «Vir» byŭ adnoj z najcikaviejšych kružełak minułaha hoda.

3. Aproč taho, na «Kamianicy» vystupiać lehiendarnyja «Lićviny» — hurt Uładzimira Bierbierava, jaki stajaŭ la vytokaŭ adradžeńnia falkłornaj tradycyi: mienavita jany viarnuli falkłornaj muzycy žyćcio, pieratvaryŭšy jaje z dekaratyŭnaha mastactva ŭ sapraŭdny žyvy arhanizm.

4. Chedłajnierami «Kamianicy» stanuć «Krambambula» i rasiejjski hurt «Ivan Kupała». Lavon Volski i siabry ŭ dadatkovaj rekłamie patreby nie majuć, dy i rasiejskija muzyki z «Ivana Kupały» nieadnarazova traplali na pieršyja radki ŭ biełaruskich chit-paradach.

5. Taksama na fiestyvali vystupiać Re1ikt, Irdorath, Silver Sky, Pawa, «Uła», «Siomucha» i salistka hurta «Javarovyja ludzi» (Taronta, Kanada) Alaksandra Salenik.

6. Muziej narodnaj architektury — miesca vielmi cikavaje, atmaśfiera jakoha jak maha lepiej adpaviadaje fołk-festu. Usie hrošy, sabranyja na fest pojduć na karyść muzieja.

7. Košt uvachodu na fest — usiaho tolki 25 000 rubloŭ. Dla školnikaŭ — 12 500 rubloŭ, a kali vy pryjedziecie ŭ nacyjanalnym stroi, dyk i ŭvohule biaspłatna.

Dajechać da muzieja možna

na asabistym aŭto ci rovary (z rovaram možna ŭvajści na terytoryju), rejsavymi aŭtobusami ad aŭtastancyi «Paŭdniova-Zachodniaja» i fiestyvalnym aŭtobusam (biaspłatna, pa zapaŭnialnaści) ad prypynka «Malinaŭka 6» (skryžavańnie vulic Słabadskoj i Hromava), jaki kursuje z 11 hadzin. Apošni fiestyvalny aŭtobus na Minsk adychodzić u 22.00.

0

0

0

0

0

0

JUU

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH