15 vieraśnia ŭ Sočy (Rasija) sustrenucca Uładzimir Pucin i Alaksandr Łukašenka. Pra heta Pucin paviedamiŭ siońnia, sustrakajučysia ŭ Sočy z hubiernataram Rastoŭskaj vobłaści RF Vasilom Hołubievym.
Pavodle słovaŭ rasijskaha lidara, na sustrečy z Łukašenkam jon abmiarkuje mahčymaść uviadzieńnia utylizacyjnaha zboru na sielhastechniku zamiežnaj vytvorčaści.
«Miarkuju, što i Biełaruś zacikaŭlena, kab takija ž miery padtrymki byli realizavanyja, jany nas taksama padtrymajuć, ja maju na ŭvazie ŭ ramkach Adzinaj ekanamičnaj prastory. U nas zaŭtra budzie sustreča z Alaksandram Ryhoravičam, i my pahavorym na hetuju temu, jany taksama ŭ hetym zacikaŭleny», — cytuje Pucina RIA Naviny.
11 vieraśnia pa inicyjatyvie biełaruskaha boku adbyłasia telefonnaja razmova Łukašenki i Pucina. «U chodzie hutarki byli abmierkavany asobnyja pytańni dvuchbakovaha paradku dnia. Alaksandr Łukašenka daŭ vysokuju acenku vynikaŭ samitu ATES va Uładzivastoku i pavinšavaŭ Uładzimira Pucina z paśpiachovym praviadzieńniem hetaha važnaha mižnarodnaha forumu», — paviedamiła
