Z pačatku hoda spažyvieckija ceny vyraśli na 15,5% 1

Na 0,8% vyraśli spažyvieckija ceny ŭ Biełarusi z 1 pa 11 vieraśnia, paviedamiŭ Nacyjanalny statystyčny kamitet.

Najbolšy pryrost cen z pačatku miesiaca adznačany na jajki (4,6%), małako i małočnyja pradukty (1,9%), harełku, paŭfabrykaty ź miasa ptuški (1,8%), paŭvendžanuju kaŭbasu (1,3%), pšaničnuju muku (1,2%), suchija małočnyja sumiesi dla dziciačaha i dyjetyčnaha charčavańnia (1,1%), varanuju kaŭbasu pieršaha hatunku, žyvuju rybu, chleb i chlebabułačnyja vyraby (1%), bieskaściovuju jałavičynu (0,9%), śvininu (akramia bieskaściovaha miasa), masła, majanez (0,8%), kandytarskija vyraby (0,7%), tkaniny (1,2%), elektratavary (0,9%), abutak, žanočaje adzieńnie (0,5%), pasłuhi vyšejšaj adukacyi (10,3%), bytavyja pasłuhi (1,1%).

«U suviazi z masavym pastupleńniem u prodaž płodaaharodninnaj pradukcyi ŭradžaju hetaha hoda» ceny na morkvu źnizilisia na 11,9%, repčatuju cybulu — na 6,3%, bulbu — na 5,6%, buraki — na 4,9%, biełakačannuju kapustu — na 4,4%, jabłyki — na 10%.

Za studzień-žnivień ceny vyraśli na 14,6%, z ulikam 11 dzion vieraśnia — na 15,5%.

Pavodle vynikaŭ hoda ŭrad raźličvaje ŭtrymać inflacyju ŭ miežach 19–22%. U 2011 hodzie spažyvieckija ceny vyraśli na 108,7%.

0

0

0

0

0

0

Dźmitryj Ułasaŭ, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH